سترانبێژا گه‌نجا باكوورێ كوردستانێ هوزان مه‌نیجا د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ئه‌ڤه بۆ ده‌مه‌كێ درێژه سترانان دبێژم و دچمه ده‌واتان و كه‌یفا خه‌لكی گه‌له‌ك ب من دهێت ده‌ما سترانا دبێژم و ل ده‌واتان پتریا جاران سترانێن فلكلۆری دبێژم و حه‌ز ژ گۆتنا مه‌والان ژی دكه‌م، له‌ورا من دڤێت ب هونه‌رێ خوه یێ ستران گۆتنێ به‌رنیاس بم و ژبلی ستران گۆتنێ چ كارێن دی ناكه‌م و ئه‌ز ل جهه‌كێ پاقژ سترانان دبێژم و ب ستران گۆتنێ ژیانا خوه دبورینم و پتریا سترانێن ئه‌ز دبێژم ئه‌ڤینی نه و دشێم هه‌تا پێنچ ده‌مژمێرا بێ راوه‌ستیان سترانان بێژم.
ناڤهاتیێ ئه‌و چه‌نده ژی گۆت: حه‌ز ژ هه‌موو سترانبێژێن باشوور دكه‌م و من حه‌زدكر ل گه‌ل هه‌موویان كلیپا چێكه‌م، به‌لێ من گه‌له‌ك دڤیا من كلیپه‌ك ل گه‌ل هونه‌رمه‌ند عارف چووپان چێكربا و دیسان گه‌له‌ك حه‌ز ژ شێواز و ده‌نگێ هونه‌رمه‌ند عه‌بدولواحد زاخۆیی دكه‌م و من چو جاران سترانێن وی نه‌گۆتینه، به‌لێ دبه‌رنامێ من دایه سترانێن وان ژی بێژم و هه‌موو ده‌م بۆ من دخوه‌شن سترانا بێژم چ ل ئاهه‌نگه‌كێ بیت، یان روونشتانا ل گه‌ل هه‌ڤالان بیت، یان ده‌وات بیت.
Comments are closed, but trackbacks and pingbacks are open.