وەزارەتا پەیوەنیێن عێراقێ رەتکر کو چ پلانەک هەبیت بۆ راگرتن و دائێخستنا تیک تۆکی، هەڤدەم، میکانزمێن راگرتنا بەرنامەیان زەلالکر کو دێ ب چ رەنگی بیت.
ئەڤرۆ پێنجشەمبی، رەعد مەشهەدانی پەیڤدارێ وەزارەتا پەیوەندیێن عێراقێ ئاماژە ب وێیەکێ کریە، هندەک پێگەهێن سوشیال میدیایێ و پێگەهێن نووچەیی زانیاری بەلاڤکرینە کو گوتیە بڕیارە پێگەهێ تیک تۆکی بهێتە دائێخستن و کارێن وی بەردەست نەبن ل ناڤخۆیا عێراقێ، لێ ئەو ئاخفتنە دوویرن ژ راستیێ.
ئاماژە ب وێیەکێ ژی کر، دائێخستنا هەر بەرنامە و پێگەهەکی ب داخازیا حکومەتا ناڤەندی یان جڤاتا نوینەران پێتڤیە ژ وەزارەتا پەیوەندیان و پشتی پێداچوونێ و دیارکرنا تەڤایا سەدەم و زانیاریان وەزارەتا پەیوەندیێن عێراقێ دێ نڤیسارێ پێشکێشکەت بۆ جڤاتا نوینەران ب مەرما دەنگدانێ دەربارەی وێیەکێ.
د داویا ئاخفتنا خۆدا رەعد مەشهەدانی بەحسا وێیەکێ کر، د نهادا چ تشتەک یێ دیار نینە دەربارەی دائێخستنا هەر بەرنامەیەکی یان پێگەهەکێ جڤاکی ل عێراقێ.
Comments are closed, but trackbacks and pingbacks are open.