بەری دەمەکی کێم ل کەمپا سەردەشتا چیایێ شنگالێ ئاگر بەربوو خیڤەتەکا ئاواریێن ناڤ وێ کەمپێ و زەرەرێن ماددی لپشت خوە هێلان.
رێڤەبەرێ کەمپا سەردەشتێ عەلی”شەعبۆ” ژبۆ ئاژانسا خانێ گۆت،ئەڤرۆ پشتی نیڤرۆ ب ئەگەرێ شۆرتەکی کارەبێ ئاگربەربوو خیڤەتا ئاوارەیەکی ژ ناڤا کەمپێ و هەموو کەل و پەلێن وێ خێزانێ هاتنە سۆتن.
پتر گۆت،هەر ژ دەستپێکا ڤەکرنا ڤێ کەمپێ و هەتا نوكە ب دەهان حالەتێن ئاگربەربوونێ رووداینە و ب دەهان خیڤەتێن ئاوارەیان هاتنە سۆتن و زەرەرێن ماددی لپشت خوە هێلاینه و هەتا نوكە ژی ترومبێلەکا ئاگر ڤەمراندنێ ژى دناڤ کەمپێ دا نینە.
ئاشكرا ژى كر،كو دناڤ ڤێ کەمپێ دا پتری 1300خێزانان ژ باکوور و باشووری چیایێ شنگالێ لێ دمینن و وزارەتا کۆچ و کۆچبەرێن عیراقێ ژی ئەڤه بۆ دەمێ پتر ژ سالەکێ یە خەلکێ دناڤ ڤێ کەمپێ ڤە ئێدی وەکو ئاوارە نابینن و ژناڤ لیستا ئاوارەبوونێ دەرخستی نە.
Comments are closed, but trackbacks and pingbacks are open.