وەزارەتا حەج و عومرەیا سعودیە ڕاگەهاند، ئەو کەسێن کو ژیێ وان دسەر ١٢ سالیێ دایە، رێک پێ دهێتەدان بەشداریێ د رێورەسمێن عومەریێ دا بکەن.
وەزارەتا حەج و عومەریا سعودیە ڕاگەهاندنەک بەلاڤکریە و تێدا هاتیە، هەمی ئەو کەسێن کو خەلکێ سعودیە، وەلاتێن جڤاتا هاریکاریا کەنداڤی، یێن کو ژ هەر وەلاتەکێ دەرڤە ژی سەرەدانا سعودیە دکەن ب مەرەما ئەنجامدانا پرۆسەیا عومرێ دێ رێک پێ هێتەدان کو پرۆسەیێ ئەنجامبدەن.
ل گۆرەی ڕاگەهاندنا وەزارەتا حەج و عومرەیێ، هەمی ئەو کەسە دشێن ب مەرجێ هەبوون و وەرگرتنا ڤاکسینا کۆرۆنایێ دشێن پرۆسەیێ ئەنجامبدەن.
هەڤدەم، د ڕاگەهاندنێ دا ئەو ژی دیارکریە، عومرەکار دشێن د دەما پرۆسەیێ دا، پەرستنێ ل هەردوو مزگەفتێن پرۆز ئەنجامبدەن و سەرەدانا مەزارێ پێغەمبەرێ ئیسلامێ بکەن.
د دەمێ دەربازبووی دا، ب سەدەما رێکارێن خۆپاراستنێ ژ ڤایرۆسێ کۆرۆنایێ، ئەنجامدانا حەج و عومرەیێ ل سعودیە هاتبوو قەدەغەکرن و پشترە، ب چەند قوناغان پرۆسەیا ئەنجامدانا پەرستنا ئاسینی ل جهێن جودا یێن سعودیە دەستپێکرە ڤە.
Comments are closed, but trackbacks and pingbacks are open.