دهێتە پێشبینی كرن پشتی چەند سالەكێن دی عیراق تووشی كێمئاڤییەكا مەزن ببیت و پشكەكا هەر تاكەكی ژ ئاڤێ بۆ هزار مێترێن سێجا كێم ببیت.
عەون زیاب پەیڤدارێ وەزارەتا ژێدەرێن ئاڤا عیراقێ راگەهاند: هەتا نۆكە عیراق نەچوویە قووناغا هەژارییا ئاڤێ، لێ دگەل زێدەبوونا هژمارا وەلاتییان و گوهوڕینێن سەقای، دهێتە پێشبینی كرن عیراق ل دۆرێن سالا 2035 تووشی كێمئاڤییەكا دژوار ببیت و پشكا هەر تاكەكی سالانە ژ ئاڤێ بگەهیتە هزار مێترێن سێجا، ئانكو وی دەمی عیراق دێ گەهیتە هەژارییا ئاڤێ.
گۆت ژی: مە وەك وەزارەت ژ سالا 2015 ێ وەرە پلان و بەرنامە بۆ چارەكرنا كێشەیا ئاڤێ هەیە، لێ تووشی ئاستەنگان بووینە، ژ وانا تێكچوونا رەوشا ئێمناهیێ و خرابیا رەوشا ئابووری و تەرخان نەكرنا چ بودجەیان بۆ ب كارئێخستنا پڕۆژێن ئاڤدانێ.
Comments are closed, but trackbacks and pingbacks are open.