هه‌یاما چه‌ند رۆژانه هه‌می ماموستایێن قوتابخانا سه‌رده‌م یا نێڤده‌وله‌تی ل دهۆكێ بایكۆتا 4 ده‌مژمێرێن ده‌وامێ كرینه و نوكه ماموستا ده‌مژمێر 12 و نیڤ قوتابخانێ بجهـ دهێلن.
قوتابخانا سه‌رده‌م ل دهۆكێ ژبه‌ر كو قوتابخانه‌كا نێڤده‌وله‌تی یه و ژ ئالیێ كه‌رتێ تایبه‌ت ( كۆمپانیا سابیس ) و وه‌زاره‌تا په‌روه‌ردێ دهێته برێڤه‌برن ده‌واما قوتابی و ماموستایان ل ده‌مژمێر 8 سپێدێ یه تاوه‌كو 4 ئێڤاری.
ماموستایه‌كێ قوتابخانا سه‌رده‌م تایبه‌ت بۆ ئه‌ڤرۆ نیوز دیاركر : هه‌یاما چه‌ند رۆژانه هه‌می ماموستایان بڕیاردایه ل ده‌مژمێر 12 و نیڤێ نیڤرۆ ده‌وامێ بجهـ بهێلن و خشتێ قوتابیان ژی ل ده‌مژمێر 12 و نیڤ بۆ 4 چ وانه ناهێنه خواندن و قوتابی ژی بۆ مال دهێنه ڤرێكرن.
وی ماموستای گۆت: 14 مه‌هن كۆمپانیا سابیس ئه‌و مووچێ ددا ماموستایان ژبه‌ر درێژاهیا ده‌وامێ، ناده‌نه ماموستایان و ل ده‌ستپێكا خواندنا ئه‌ڤ ساله ژی وه‌زیرێ په‌روه‌ردێ ل دهۆكێ ل گه‌ل ماموستایان كۆم بوو و سۆز دا كو كێشا مووچێ وان چاره بكه‌ت، به‌لێ جهێ داخێ یه كێشا ماموستایان هه‌ر چاره نه‌بوو و مۆچێن سالا چوویی و یێن ئه‌ڤ ساله ژی هێش نه‌داینه.
( ماموستایێن قوتابخانا سه‌رده‌م ژبلی مووچێ وه‌زاره‌تا په‌روه‌ردێ ژبه‌ر كو قوتابخانه‌كا نێڤده‌وله‌تی یه و ده‌مژمێر 8 بۆ 4 ئێڤاری یه دەوامە، كۆمپانیا سابیس مه‌هانه 300 بۆ 400 دولار ددانه هه‌ر ماموستایه‌كی)
هه‌یاما دو سالانه كێشه ل قوتابخانا سه‌رده‌م دروست بوویه و ل دووڤ گوتنا ماموستایێن قوتابخانێ ئه‌گه‌ر كێشا وان چاره نه‌بیت، ئه‌و ژی نه‌چارن وه‌كو قوتابخانێن ئاسایی ده‌مژمێر 8 بۆ 12 و نیڤێ نیڤرۆ ده‌وامێ بكه‌ن.
Comments are closed, but trackbacks and pingbacks are open.