رێڤەبەریا گشتیا سەقاناسی و عەردهەژزانا هەرێمێ ڕاگەهاند، ئێڤاریا ئەڤرۆ باران بارین دێ دەستپێکەت و بەرێ سپێدەهیا سوبەهی ژی بەفر دێ باریت.
ئەڤرۆ دووشەمبێ، رێڤەبەریا گشتیا سەقاناسی و عەردهەژزانا هەرێمێ ڕاگەهاندنەک بەلاڤکر و تێدا هاتیە، ئەڤرۆ د ئێڤاری دا باران بارین دێ دەستپێکەت و د شەڤێ دا ل هەمی دەڤەران باران دێ باریت.
ئاماژە ب وێیەکێ ژیکر، بەرێ سپێدەهیا سوبەهی سێ شەمبی، بارستە هەوایەکێ سار دێ بەرەڤ دەڤەرێن هەرێمێ هێت و پلەیێن گەرمێ دێ زمبن و ل دەڤەرێن چیای یێن بلند بەفر دێ باریت.
هەر ل گۆرەی سەقاناسیا هەرێمێ، ئەڤرۆ ل پارێزگەها هەولێرێ ئەسمان دێ ساهی و پارچە عەور بیت، لێ ل پاریزگەها سلێمانی و دهۆک و کەرکوک و هەلەبجە دێ نیڤ عەوربیت و پشترە لسەر تاسەری هەرێمێ دێ بۆ عەورین تەمام هێتە گوهۆرین.
دبێژیت ژی، د ئێڤاری دا لسەرتاسەری هەرێمێ هویرباران دێ دەستپێکەت و د شەڤێ دا دێ بیتە بارانەکا ناڤنجی و ل دەڤەرێن چیای ژی بەفر دێ باریت.
ئاشکرا ژی کریە، سوبەهی ئەسمانێ هەرێمێ دێ بتەمام عەور بیت و ل دەمێن بەرێ سپێدەهیەکا زوودا لسەرتاسەری هەرێمێ دێ باران ب ئاوایەکێ جودا باریت.
بەحسا وێیەکێ ژی کر، ل پارێزگەها سلێمانی و دهۆک و هەلەبجە دگەل بارینا بارانەکاناڤنجی دا بەفر دێ باریت و ل دەڤەرێن چیای یێن هەرێمێ ژی بەفر دێ باریت.
د داویا ڕاگەهاندنێ ژی دا هاتیە، سوبەهی پشتی نیڤرۆ ل دەڤەرێن چیایی باران ب ئاوایەکێ ناڤ ب ناڤ ل هندەک دەڤەران باریت.
Comments are closed, but trackbacks and pingbacks are open.