سـمــبولا ولاتـــی

زێ بادینان:بێوار ئیسماعیل نەقەبی

ئالا هـێما و نیشانێ هەبونا گەل و مللەتانە هەر نەتەنەیەک خودان ئالایە و ب وی ئالای ژی دهێتە نیاسین، رێکخراوا نەتەوێن یەگرتی پارت و لایەنێن سیاسی و یانەیێت وەرزشی و کۆمپانیێت تەکنە لۆجی هەمیان ئالاێن تایبەت بخۆ هەنە
ئالایێ هەر نەتەوەیەکی یێ جودایە ژ نەتەوەیەکێ دی هەروەسا ئالایێ پارت و لایەنێن سیاسی ژی جودانە
ئالا پێناسەیەکە بۆ دەستەیەکا مرۆڤان یان ژی کۆمەلەکا مرۆڤان و جڤاکی
هەروەها ل دەمێ شەر و جەنگ دنافبەرا وەلاتان رویددەن دەمێ دەست بسەر داگرتنا وەلاتەکی یان جهەکێ ئێکسەر ئالایێ وی ملەتی دهیننە خوار ئالایێ خۆ بلند دکەن ئەڤ جەندە ژی ل شەرێ داعشێ ب ئاشکرایی دیار دبیت پێشمەرگە و پارێزەرێن ولاتی هەر جهەک ژ دەستێ تیرۆرسێن داعشێ پاکژ کربا ئالایێ پیرۆزێ کوردستانێ لوی جهی بلند دکر وەک نیشانە بۆ سەرکەفتنا قارەمانێن وەلاتی

ل سالا 2009 پەرلەمانێ کوردستانێ بریاردا رۆژا 17 کانونا ئێکێ یا هەمی سالان وەک رۆژا ئالایی بهێتە دەست نیشانکرن دڤێ رۆژێدا ئالایێن هەمی دام و دەزگەهێن حوکمەتێ بهینە نوکرنەڤە دیارکرنا ڤێ رۆژێ ژی دزفریتەڤە بۆ 17 کانونا ئێکێ یا سالا 1945ئالایێ پیرۆزێ کوردستانی لە سەر هەمی دام و دەزگەهێن کۆمارا کوردستانێ هاتە بلندکرن
ئالایێ کوردستانێ ژ چوار رەنگان پێکهاتیە و هەر ئێک ژڤان رەنگان واتایەکا تایبەت هەیە
رەنگێ سۆر: نیشانەیا خوینا شەهیدانە و ئازادیا نشتیمانیە
رەنگێ کەسک: نیشانەیا خەمل و رەوشا بوهارێ یە
رەنگێ سپی: هێمایێ ئاشتی و پێکڤە ژیانێ یە
زەر: ئاماژەیە بۆ رۆژێ وەک سەرچاوێ روناکیێ بۆ عەردی 21 ئادارێ و سەرسالا کووردی

ئاڵایێ پیرۆزێ كوردستانێ نیشانەیا شۆڕشێن ڕزگاریخوازێن ئێک دیڤ ئێکێن کوردی بویە ، تا ل ڕۆژا 22-1-1946 و د ڕێوڕەسما ڕاگەهاندنا کۆمارا کوردستانێ ل گۆڕەپانا چارچرا ل باژێڕی مهاباتێ بۆ ئێکەم جار ب فەرمی هاتە هەڵدان و ب ڕەمزا کۆمارا کوردستانێ و پشتی هنگی ب ئەمانەت ژ لایێ قازیێ نەمر دایە دەستێ بارزانیێ نەمر و تا ڤێ ڕۆژێ هاتیە پاراستن و هەڵدان سەر دام و دەزگەهێن حکومەتا هەرێما کوردستانێ .

• نڤیسەرێ هێژا دکاری ئەو ناڤێ تە لخارێ هاتیە نڤیسین هەموو بابەتێن خۆ بینی … دگەل رێز