سەرۆک مەسعود بارزانی، ئه‌ڤرۆ ل سەلاحەدین پێشوازی ل شانده‌كێ بلند یێ چارچۆڤێ ھەماھەنگی ب سەرۆکاتییا نوری مالکی کر.
د وێ کۆمبوونێدا دەرئەنجامێن ھەلبژارتنێن ئۆکتۆبەرا بوری یێن جڤاتا نوونەرێن عێراقێ و داوی پێشھاتێن ناڤا پڕۆسا سیاسی یا عێراقێ گوتۆبێژ كرن.
ھەر د وێ دیدارێدا تیشك خسته سه‌ر پێدڤییا پێداچوونێ د حوکمڕانییا عێراقێ دا و مفا وەرگرتن ژ ئەزموونێن بوری و لبه‌ر‌چاڤ وه‌رگرتنا پڕەنسیپێن شەراکەتێ و سازان و ھه‌ڤسەنگی د پڕۆسا حوکمرانیێ دا.
د ته‌وه‌ره‌كێ دیتر دا” بیرورا ده‌ربارەی تەحەدیاتێن هه‌مبه‌ر ئایندێ عێراقێ و بابەتێن خزمەتگوزاری و گه‌فێن تیرۆرێ و کێشەیا ژینگەهێ و کێمئاڤی و داخوازیێن وه‌لاتیان هاتنه به‌حسكرن و دووپاتی ل سەر بەردەوامبوونا بزاڤان بۆ ل ئێکتر نێزیکرنا بۆچوونێن لایەنان و ئیستحقاقێن پێکھاتان هاتنه كرن ژ پێخه‌مه‌ت ڤه‌دیتنا چارەسەرییه‌كا گونجایی بۆ قووناغا داھاتی و تێپەڕاندنا تەحەدیاتێن هه‌مبه‌ر پێکئینانا حکومەتا نوو یا عێراقێ.
Comments are closed, but trackbacks and pingbacks are open.