رێڤەبەرێ گەشتوگوزارا دهۆکێ ڕاگەهاند، د ئەڤسالەدا نێزیکی ملیۆنەک و ٥٠٠ هزار گەشتیاران سەرەدانا دهۆکێ کریە و گوتژی ژبەر لەهیێن هەولێرێ چ ئاهەنگێن فەرمی ناهێنە ئەنجامدان.
ئەڤرۆ پێنجشەمبی، د کونگرەکێ رۆژنامەڤانیدا رێڤەبەرێ گشتیێ گەشتوگوزارا دهۆکێ ڕاگەهاند، ئەڤسالە ژ هەردوو سالێن دەربازبووی رێژا گەشتیاران زێدەترە و گەهشتیە نێزیکی ملیۆنەک و ٥٠٠ هزار گەشتیاران.
ئاماژە ب وێیەکێ ژی کر، کو ل سالا بهێت د پلانا رێڤەبەریێ دا هەیە چەندین جهێن گەشتیاری بهێنە دانان ب تایبەتی ل سنورێ قەزا ئامێدیێ.
دەربارەی جهێن گەشتیاری خەیری عەلی ئۆسۆ دیارکر، کو ل پارێزگەها دهۆکێ ٩٠٠ جهێن گەشتیاری هەنە زێدەباری ٢٥٠ جهێن سروشتی یێن گەشتیاری.
بەحسا وێیەکێ ژی کر، کو ب ژڤانبوون ئاهەنگەکێ ب هەلکەفتا هاتنا سالا نوی ئەنجامبدەن، لێ بسەدەمێ دروستبوونا لەهیان ل باژێرێ هەولێرێ چ ئاهەنگێن فەرمی ل پارێزگەها دهۆکێ ناهێنە ئەنجامدان.
Comments are closed, but trackbacks and pingbacks are open.