محەمەد شوكری، سەرۆكێ دەستەیا وەبەرهێنانێ ل هەرێما كوردستانێ ڕاگەهاند، قەبارێ پڕۆژێن وەبەرهێنانێ ل هەرێما كوردستانێ بۆ ساڵا 2021 گەهشتە بهایێ هەشت ملیار دولارێن ئەمریكی، و بۆ ساڵا 2022 دێ گرنگی ب كەرتێن چاندن و پیشەسازی و گەشتوگوزارێ هێتەدان.
د كۆنگرەكێ ڕۆژنامەڤانیدا كو ئەڤرۆ ڕۆژا چوارشەمبی سازكر، سەرۆكێ دەستەیا وەبەرهێنانێ ڕاگەهاند، ل دەستپێكا ساڵا نووی دەستەیا وەبەرهێنانێ دێ یەكەیا پەیوەندیێن نێڤدەولەتی ڤەكەت و بەردەوامیێ دەتە ڕاكێشانا كۆمپانی و وەبەرهێنەرێن بیانی بۆ هەرێمێ، و ل دوویی شواتا 2022 دێ كۆنگرێ وەبەرهێنانێ ل هەرێما كوردستانێ هێتە سازكرن.
محەمەد شوكری گوت: دساڵا 2021 دا دەستەیێ سێ پڕۆژێن سەرەكیێن ئاكنجیبوونێ ل هەرسێ پارێزگەهێن دهوك و هەولێر و سلێمانیێ چارەسەر كرینە و 4 هزار و 500 وەڵاتی دێ مفای ژێ وەرگرن، و دهەمان ساڵدا دەستەیێ مۆلەتێن وەبەرهێنانێ داینە 68 پڕۆژان، ب مەرجەكی 76% ژ هێزا كرێكار خومالی بن.
Comments are closed, but trackbacks and pingbacks are open.