وەزارەتا پلاندانانا عیراقێ ڕاگەهاند، ڕێژەیا بێكاریێ لسەرانسەری وەڵاتی گەهشتییە 14% و دووپاتكر، كو داكەفتنا بهایێ دیناری و هاوردەكرن دوو هۆكارێن سەرەكی نە بۆ بلندبوونا رێژەیا بێكاریێ.
عەبدولزەهرە هەنداوی، پەیڤدارێ بناڤێ وەزارەتا پلاندانانا عیراقێ د داخۆیانیەكا ڕۆژنامەڤانیدا ڕاگەهاند، هۆكارێن دەرەكی و ناڤخۆیی پالدەربوون بۆ بلندبوونا ڕێژەیا بێكاریێ، هۆكارێ دەرەكی ئەوە، عیراق بتمامی پشتبەستیێ ب هاوردەكرنێ دكەت، لسەر ئاستێ جیهانێ ژی بها و بازار بلندبووینە، ئەڤەژی بوویە ئەگەر لسەر ئاستێ ناڤخۆ ژی بها بلند ببن، و هۆكارێ دوویێ گوهرینا بهایێ دولاری بەرامبەر دینارێ عیراقی بوو، كو بشێوەیەكێ بەرچاڤ كاریگەری كرییە سەر باهیێ بازاری و كەلوپەلان.
دەربارێ رێژەیا بێكاریێ و چاوانییا كێمكرنا وێ عەبدولزەهرە هەنداوی گوت: ل گورەی ئامارێن فەرمی رێژەیا بێكاریێ گەهشتییە 14% و وەزارەتێ پلانەكا پێنج ساڵی هەیە بۆ گەشەپێدانا كەرتێ تایبەت و رەخساندنا دەلیڤێن كاری بشێوەیەكی دگەل زێدەبوونا هژمارا ئاكنجیبوویێن عیراقێ بگونجیت.
Comments are closed, but trackbacks and pingbacks are open.