وەرگێران : محەمەد گڤاری
رۆژەکێ مروڤەکێ پیر و لاواز گوتە کورێ خۆ حەز دکەم ئەڤرۆ دەرکەڤینە ژدەرڤە ئەڤە ژمێژە من بازار نەدیتیە بێهنا من گەلەک یاتەنگ بووی دخانی ڤە ، کوڕێ وی وەک سوزو دلوڤانییەک بۆ بابێ خۆ وێ رۆژێ بابێ خۆ ل ترومپێلاخۆ سوارکر و برە ناڤ بازاری و جهێن گشتی و باخچەیێن باژێری ، ل دەمێ نان خوارنێ بابێ خۆ برە خارنگەهەکێ ، بابێ وی داخوازا خوارنەکا ڕۆن کر ژبەر کو یێ پیرە ددانێن وی نەماینە و نەشێت خوارنێن دیتر بخۆت ، دەمێ دەست ب خوارنێ کری ژبەر پیراتییێ دەستێن وی لەرزین لەوا دەست و جلکێن خۆ پیسکرن و خارن ڕێتە عەردی ، بەلێ بێ دەنگی لبەر چاڤێن خەلکێ ئامادە ل وێ خارنگەهێ خارن دخار ، پشتی خارنێ کوڕێ وی لبەر چاڤێن خەلکی ڕابۆ بابێ خۆ برە دەست شۆیێ ، ب جوانی دەستێن وی دگەل جلکێن وی شوشتن دگەل عەردێ بابێ وی خارن لێ ڕێتی پاقژکر وەک ڕێزو ڤیان و دلوڤانی بەرامبەر بابێ خۆ ، پشتی پارێ خوارناخۆ یابابێ خۆ دایی ژخارنگەهێ دەرکەفتن دا ل ترومپێلا خۆ سوار بوون و بەرەف مال چوون ، کەسەکێ دی بلەز ل خارنگەهێ دەرکەفت و گوتە کوڕێ وێ پیرەکالی ئەرێ تە چ تشتەکێ خۆ ل خارنگەهێ نەهێلایە ؟ گوتێ نەخێر ، جارەکادی وی کەسی گوتناخۆ دۆبارەکر هەر گوتێ نەخێر ، جارا سێیێ گوتێ بەلێ تە وانەیەکا پڕ دلۆڤانی بۆ مە هەمیان دناڤ خارنگەهێ بجھ هێلا کو چ جاران ناهێتە ژبیرکرن ، ئەم هەمی دێ مرین بەلێ شینوارێن مە یێن جوان دێ هەر مینن بۆ نفشێن پشتی مە .
ئەرێ چەند حزب و حکومات و دەستهەلاتدارێن ڤێ جیهانێ شینوارێن باش و خراب ل پاش خۆ هێلاینە ؟؟ بۆ بەرسڤا ڤێ پرسیارێ دێ دیرۆک بەرسڤێ دەت ..
- نڤیسەرێ هێژا دکاری هەموو بابەتێن خۆ ببینی دگەل رێز
Comments are closed, but trackbacks and pingbacks are open.