رێڤەبەریا گشتیا سەقاناسیا هەرێمێ ڕاگەهاند، بسەدەما وێیەکێ هەرێم دکەڤیتە ژێر پەستانەکا سار؛ ل دەڤەرێن چیایی پێشبینی دهێتەکرن بەفر بباریت و باران بارین ژی ب ئاوایەکێ ناڤنجی بیت.
فازل ئیبراهیم رێڤەبەرێ گشتیێ سەقاناسیا هەرێمێ د داخویانیەکێ دا بۆ ئێن ئاڕ تی ڕاگەهاند، هەیا ڕادەیەکێ زۆر سەقامگێری هەیە ل دەڤەرێن هەرێمێ ژبلی سنورێ پارێزگەها هەلەبجە ژبەرکو مژەکا زۆر هەیە بسەدەما وێیەکێ دووریا دیتنێ کێم بوویە و رێژەیەکا زۆرا شێ هەیە.
بەحسا وێیەکێ ژی کریە، ئەڤ شەڤە هەرێم دێ کەڤیتە ژێر کارتێکرنا نزمیا پەستانەکا لاوازدا لێ پەستانەکا سادەیە و ئەڤە ژی دبیتە سەدەمێ دەستپێکا باران بارینێ لسنورێ پارێزگەها دهۆکێ و بەرێ سپێدەهیێ لسنورێ پارێزگەها هەولێرێ دێ درێژبیت هەیا دەڤەرێن راپەڕێین و سلێمانی و هەلەبجە.
دبێژیت ژی، ئەڤ پێلە دێ ژ ئەڤ شەڤە دەستپێکەت و پێشبینی دهێتەکرن هەیا سوبەهی ئێڤاری بەردەوامی هەبیت ل ئێڤاری ژی بداوی بهێت، پشترە پێشبینی دهێتەکرن ژ چارشەمبێ نزمیا پەستانێن دی بەرەڤ هەرێما کوردستانێ بهێن، لێ چ بارانێن ب هێز ناهێن ژبەرکو نزمیا پەستانێ لاوازە.
بەحسا وێیەکێ ژیکریە، پلەیێن گەرمێ دێ ل هەمی دەڤەرێن هەرێمێ د رۆژێدا داکەڤن و ب شەڤێ ژی لناڤ باژێران دێ ئێک تا دوو پلەیان بیت و ل دەڤەرێن چیای ژی دێ دبن سفرێ دابیت.
Comments are closed, but trackbacks and pingbacks are open.