..بەفر

• هەلبەست / زەنون سلێڤانەی ـ زاخو

ئەرێ بیرا تە دئێت
دگەل هاتنا بەفرێ
سەروسیمایێ من و تە
دگەل جوانیا
سپیاتیێ یابەفرێ
چەند یێ بگرنژین بوو
هێشتا ئەز و تو
دگەل هاتنا بەفرێ و
دەمێ بەفر دکەت ..
من و تە پێگڤە
ژ جوانیا سپیاتیێ یابەفرێ
لێڤێن تەیێن بحەنك و
بگرنژین ڤە
تە دگوت ئەز و تو
دێ دبەریکانا بەفرێ دا
دگەل زاروکێن تاخێ مە
دێ بسەرکەڤین ….
ئەرێ بیرا تە دئێت
من و تە پێگڤە
خانیێن بچوویك
پەیکەرێن مروڤان
ژ خەمل و جانیا
سپیاتیێ یابەفرێ
ژێ چێدکرن …..
تە ژی بەرە و بەرە
وێنەیێن دلێن عاشقا
ژ سپیاتیێ یابەفرێ
ژێ چێدکرن ….
هەر من دگوت تە
ئەڤ چ وێنێن دلانە
ناڤێ من و خوە لسەر دنڤێسی …
تە ژی دگوت
ئەڤە دبنە یادگاریێن عاشقان
گەر ئەز تۆ مەزن بین
دا ئێكدوو ژ بیرنەکەن ……
من هزردکر هەتا هەتا
دگەل ئێك دژین
فەلەکێ وەك یاریا
چەرخ و فەلەکێ
رویێ خوە ژ من وەرگێرایێ
ئەم ژئێك دویرکرن ……
هەر جار من دگوت
تو بو منی
تو ژ جوانیا سپیاتیێ یابەفرێ
جوانترو شرین تری
شەکروکا ل بەر دلێ منی …
ما هاتنا بەفرێ
بوچی یە من ئاش ناکەت
کی هەیە
یادلێ من و تە بزانیت
ژ خەمل و جوانیا سپیاتیێ یابەفرێ
ناڤێ من و تە
دگەل هەمی یادگاران
لسەر رویێ سپیاتیێ یابەفرێ
ژێ بنڤێسیتن
وێنەیێن دلێن عاشقا
ژێ چێبکەن ….