شاندێ هه‌ڤپشكێ پارتى و ئێكه‌تى ل به‌غدا دگه‌ل ره‌وتا سه‌در كومبوون و پشتى كومبوونێ كونگره‌كێ روژنامه‌ڤانى یێ هه‌ڤپشك ئه‌نجامدا.
هوشیار زێبارى ئه‌ندامێ مه‌كته‌با سیاسى یا پارتى دیموكراتى كوردستان كو سه‌روكاتیا شاندى دكه‌ت د كونگرێ روژنامه‌ڤانى دا گوت: مه سه‌ره‌دانا مه‌كته‌با سیاسى یا ره‌وتا سه‌در كر و دچارچوڤێ كومبوونێ دا مه گه‌نگه‌شه كر سه‌باره‌ت ب پشك و مافێ لایه‌نان و هه‌روه‌سا پێكئینانا حكومه‌تا نوى یا عیراقێ.
گوت ژى: مه دڤێت مفاى وه‌ربگرین ژ وێ ده‌رفه‌تا لبه‌ر ده‌ستێ مه كو روژا ئێك شه‌مبى 9/1/2022 كومبوونه‌كا گرنگ دێ هێته ئه‌نجامدان ل په‌رله‌مانێ عیراقێ، ژبه‌ر وێ چه‌ندێ لسه‌ر مه هه‌میان پێدڤییه مفای ژێ وه‌ربگرین ژ ڤێ ده‌رفه‌تا لبه‌ر ده‌ستێ مه و هه‌ر كه‌سه‌ك و لدویڤ پێگه‌هێ خو پشكا خو وه‌ربگریت.
هوشیار زێبارى گوت ژى: مه دڤێت لسه‌ر بنه‌مایێ هه‌لبژارتنان بریار لسه‌ر پاشه‌روژا عیراقێ بهێته دان.
دهه‌مان ده‌مدا ل كونگرێ روژنامه‌ڤانى دا نه‌سار روبه‌یعى سه‌روكێ ده‌سته‌یا سیاسى یا ره‌وتا سه‌در گوت: خوشحال بووین ب پێشوازیكرنێ ل شاندێ هه‌ڤپشكێ پارتى و ئێكه‌تى كو سه‌ره‌دانا مه كرى وه‌كو درێژه‌پێده‌را وێ لێكتێگه‌هشتنا كو ده‌مه‌كێ درێژه دناڤبه‌را مه دا هه‌ى.
Comments are closed, but trackbacks and pingbacks are open.