ژبەر خوارنێ ل کافیتریایێن زانکۆیێ، سەدان قوتابی ل کولیژا زانست و کولیژا پەروەردا بنیات ل زانکۆیا دهۆکێ تووشی نەخۆشیێ بوون، پشکەک ژ وان ل نەخۆشخانان چارەسەریا وان هاتیەکرن، ژێدەرەکێ ل قوتابیێن زانکۆیێ ژی دیارکر کو ئەڤ روودانە بەری دوو یان سێ روژە روودایی.
ئێک ژ قوتابیێن تووشی نەخۆشیێ بوی تایبەت بۆ ئاژانسا خانی گوت، ژ ئەگەرێ هندێ کو قوتابیان خوارن ل زانکۆیا دهۆکێ ب تایبەتی قوتابیێن هەردوو کولیژێن زانست و پەروەردا بنیات ل کافیتریایێ خواری یە، تووشی نەخۆشیێ بوینە.
زێدەتر گوت، نیشانێن وێ نەخوشیێ دلرابوون و زکچوون و تایێن گەلەک گران و تەسەموومن، ئەڤە بو ماوێ دوو روژانە ل وان هەردوو کولیژان دەوام نە ھاتیە کرن و ھێشتا ب دروستی چ لایەنێن پەیوەندیدار چ دیڤچوون بونە کریە، ھیڤیدارین کۆ ئەڤ چەندە بو رایا گشتی بھێتە گوتن دا بو خوێنکاران دیار بیت کا ئەگەر چنە، ئەز بخوە ژی ئێک ژ توشبویانم بو ماوێ دوو روژە نەشێم ب دروستی چ خوارنان بخوم.
ژلایێ خوڤە د. داود سلێمان سەرۆکێ زانکۆیا دهۆکێ تایبەت بۆ ئاژانسا خانی نووچە دوپات کر و گوت، بەلێ نووچەیێ نەخوش کەفتنا هژمارەکا قوتابیان ل کولیژا زانست راستە، وەکو زانکۆ مە لژنەک پێکئینایە بۆ دوڤچون ل سەر ڤێ یەکێ داکو بزانن ئەگەر چنە و هژمارا وان قوتابیان چەندە، ل روژێن داهاتی دێ ئەڤ یەک دیار بیت و د نوکە دا هوکاری ل بەر دەست نینن.
Comments are closed, but trackbacks and pingbacks are open.