پۆلیسێن پارێزگەها دهۆکێ ڕاگەهاند، ل سالا دەربازبووی ١٥ هزار و ٨٣٥ دوز هاتینە ڤەکرن و ب رێژا ٩٢.٤%ێ هاتینە ئێکئالی کرن. هەڤدەم دیارژیکر، د هەمان ساڵدا ٤١ حالەتێن کوشتنێ ب سەدەمێن جودا هاتینە تومارکرن.
رێڤەبەریا پۆلیسێن پارێزگەها دهۆکێ ئامار کار و چالاکیێن خۆ یێن سالا ٢٠٢١ێ بەلاڤکرن و ڕاگەهاند، ٤١ حەلەتێن کوشتنێ بسەدەمێن جودا لسنورێ وێ پارێزگەهێ هاتینە تومارکرن، دۆسەیێن ٦٥٤ حالەتێن دزیکرنێ ژی هاتینە تۆمارکرن.
ئاماژە ب وێیەکێ ژی کر، د هەمان ساڵدا ٢٥١ هزار و ٤٤٩ وەلاتیان سەرەدانا بنگەهـ و نڤیسینگەهێن پۆلیسان کرینە و ١٥ هزار و ٨٣٥ دۆز هاتینە ڤەکرن.
دەربارەی خراب بکارئینانا ئامیرێن پەیوەندیکرنێ پۆلیسان دیارکر، ٦٧٧ دۆز ل بنگەهـ و نڤیسینگەهێن پۆلیسان هاتینە تومارکرن. هەڤدەم، دیارژیکریە، هەر ل ٢٠٢١ێ دوو هزار و ٥٢ بوویەرێن فێلبازیکرنێ هاتینە تومارکرن.
پۆلیسان د بەردەوامیا دیارکرنا ئامارێن خۆ دا بەحسا وێیەکێ ژیکریە، ژ ئالیێ وان ڤە ١٣ حالەتێن جودا دەربارەی ماددەیێن بێهۆشکەر و ٥٤ حالەتێن تەقەکرنێ دگەل هەشت حالەتێن نڤشتی و حسربەندیێ هاتینە تومارکرن.
هەروەسا ئاشکراژیکر، ل سالا دەربازبووی ٢٥٠ کەس کو پێکدهاتن ژ زارۆک و کەسێن دانعەمر و خۆدان پێتڤییێن تایبەت بەرزەبووینە و پشترە هاتینە دیتن و بۆ ماڵێن وان هاتینە زڤراندن.
بەرچاڤ ژیکریە، رێژا وان سکالایێن ل رێڤەبەریا پۆلیسان و هەمی نڤیسینگەهـ و بنگەهێن وان هاتینە تۆمارکرن ٩٢.٤%ێ تەمام بووینە و ٧.٦%ێ نەهاتینە ئێکئالی کرن.
Comments are closed, but trackbacks and pingbacks are open.