.. خەلاتکرنا مرۆڤێ هەژی ..

وەرگێران : محەمەد گڤاری

ڕاوێژکارێ نەخۆشیێن دلی ل نەخۆشخانا شاهی ل پایتەختێ بەریتانیا لەندەن گەهشتە بەر دەرگەهێ وێ هۆلا ئەو تێڤە بهێتە خەلاتکرن ، پشتی (15) سالان ژوەلاتێ خۆ عیراقێ دویرکەفتی ئەوژی نوژدار( زیاء کەمالە ددین)ە ، بەرێ قەستا ناڤ هۆلێ بکەت دیت مرۆڤەکێ پیرەکال ل سەر جادێ یێ ڕۆژنامان دفرۆشیت ، نوژداری چاڤێت خۆ بلەز دانانە سەرئێک و ڕاکرن ، بیراوی لوی کەسی هاتەڤە و نیاسی ئەو کێژان کەسە یێ ڕۆژنامان دفرۆشیت ، پاشان ب چاڤێت تەژی رۆندک قەستا ناڤ وێ هۆلێ کر بەلێ هزراوی هەر ما ل سەر وی پیرە کالێ ڕۆژنامەفرۆش ، دەمێ ناڤێ نوژداری هاتییە گازیکرن بۆ خەلاتکرنێ ، نوژدار هەر بلەز ڕابووڤە و قەستا دەرڤەکر ، خەلکێ ئامادەبووی مان حێبەتی ئەرێ چما نوژدار دەرکەفتە ژدەرڤە ! نوژدار زیاء قەستا ڕۆژنامە فرۆشی کرو هەر بلەز ڕۆژنامێن وی لێکدان ، ڕۆژنامەفرۆشی گوتێ ئەڤە چییە ؟ نوژداری گوتێ ڕۆژنامێن خۆ ڕاکە جارەکادی تو ڕۆژناما نا فرۆشی ، بەلێ پیرەکالێ ڕۆژنامە فرۆش گوتێ بەلاخۆ ژمن ڤەکە رزقێ من ل سەر فرۆتنا ڕۆژنامایە ، نوژداری دەستێ وی گرت و ڕاکێشا و گوتێ دگەل من وەرە ، دەمێ پیرەکالێ ڕوژنامە فرۆش دیت چاڤێت وی کەسی تژی رۆندک بوون ، گوتێ ئەرێ ئەز تە نانیاسم تو کی ؟ نوژداری جارەکادی دەستێ وی ڕاکێشا و گوتێ دگەل من وەرە دێ زانی، برە ناڤ هۆلێ و هەر ئێکسەر دگەل خۆ برە سەر ستەیجی و ل پێش چاڤێت ئامادەبوویان ، هەموو مان گوهوشی ئەڤە چییە ! نوژدار زیاء ب گری ڤە گوتە ئامادەبوویان ئەڤ جورە مرۆڤە گەلەک ژمن هەژیترن بهێنە خەلاتکرن ، چونکی مرۆڤێت وەکی ڤی کەسێ هوین دبینن بەرێ بنیاتی بۆ پاشە رۆژا مە یا ئاڤاکری لەو پێدڤیە ڕێز ل کەساتییا وان بهێتەگرتن نەک یێت وەکی من ، نوژار نەشیا کونترۆلێ ل سەر گریا خۆ بکەت چونکە ئەو گری دناڤ ناخ و دەرۆنێ وی دهاتە دەرێ، نوژداری گوتە وی پیرەکالێ ڕۆژنامە فرۆش تو من نانیاسی ؟ پیرەکالی گوتێ نەخێر کورێ من ژبەر لاوازیا بیناهیا چاڤێت من تە ناسناکەم ، نوژداری ب سەرێ ویڤە ماچیکر و گوتێ تو ماموستایێ من بووی ل قوناغا ئامادەیی، تو پشتەڤان و ڕێ نیشاندەرێ من بووی هەمی دەما وەختێ ئەز خویندکارێ بەر دەستێ تە ، ڕۆژانە جەنابێ وە شیرەت ل خویندکاران دکر تو مامۆستایەکێ ژیرمەندبووی ، شیرەتێن وە هێشتا ل بیرا منن، ئەز نوژدار زیاء کەمالەد دینم ، توژی ماموستایێ من بووی خەلیل عەلی ، دەمێ ماموستای ئەڤ گوتنە گوھ لێبووین ، نوژدار ب سینگێ خۆڤە هەمبێز کر و دەنگێ گریا وی ژبەر وێ بیرهاتنێ ئەو هۆل هەژاندو دلێ وی سۆت ، بەلێ ماموستایێت مە دەمێ خانەنشین دبن دهێنە ژبیرکرن و کەس چاڤێ خۆ نادەتێ و ڕێز ل ماندیبوون و کەساتییاوان ناهێتە گرتن و مافێت وان تێنە پشت گوھ ئاڤێتن و چ گرنگی ب وان ناهێتە دان و دهێنە ژبیرکرن و دکەڤنە سەر جادەو کولانا بۆ پەیداکرنا پاریەکێ نانی ، بەلێ ل وەلاتێن رۆژئاڤا بەرو ڤاژیە ، ماموستایێن خانەنشین ژیاناوان یا خۆشە ، هەموو مافێت وان هاتینە دابینکرن ، ڕێز ل ئەرک و خەبات و ماندیبوونا وان دهێتە گرتن ، چونکی ماموستا بەرێ بنیاتێ ئاڤاکرنا جڤاکانە ، ئەرێ بۆچی ئەم وێ ناکەین ، بەرسڤ بلا بۆ خواندەڤانان بیت .

• دکاری هەموو بابەتێن خۆ ببینی ….