ئالان حەمەسەعید، وەزیرێ پەروەردێ ، ئه‌ڤرۆ 30-1-2022 د پرێسكونفرانسه‌كى دا، ده‌رباره‌یى پلان و به‌رنامه‌یێن وان بۆ خواندنا ئەڤ ساله وئاسته‌نگێن دكه‌ڤنه به‌رامبه‌رى ڤه‌كرنا ده‌رگه‌هێن ناڤه‌ندێن خواندنێ
ژ ئه‌گه‌رێ كۆرۆنایێ راگه‌هاندن، ئاریشا كۆرۆنایێ هه‌ر یا هه‌ى، مه ژى بریاردا سوبه‌هى بڤه‌گه‌رینه‌ڤه ناڤه‌ندێن خواندنێ، ڤه‌گه‌راندنا مه ژى بۆ ناڤه‌ندێن خواندنێ دێ ل سه‌ر بنه‌مایێ خوه پارێزیێ بیت.
ئالان حەمەسەعید، ئاماژه ژى دا، وه‌رزێ ئێكێ ب باشى ب رێڤه چوو، ل 25-1- 2022 جڤاتا وه‌زاره‌تا په‌روه‌ردێ كۆمبوو سالناما خواندنێ راستڤه‌كر بۆ وه‌رزێ دووێ و چێدبیت د ئێك دوو رۆژێن بهێت دا سالناما راستڤه‌كرى ژى بهێته راگه‌هاندن.
ده‌رباره‌یى پرۆسه‌یا وه‌رگرتنا ڤاكسینى ژى ژلایێ مامۆستایانڤه، وه‌زیرێ په‌روه‌ردێ گۆتى: پرۆسه یا باشه و به‌رده‌وامه، نێزیكى 100 هزار مامۆستایان ڤاكسین وه‌رگرتییه.
د پشكه‌كا دییا ئاخفتنێن خوه‌دا وه‌زیرێ په‌روه‌ردێ به‌حسێپله‌به‌رزگرنا مامۆستایان كر و راگه‌هاند، پله‌به‌رزكرنا مامۆستایان وه‌كو ماف مافێ هه‌موو فه‌رمانبه‌ره‌كى یه، به‌لێ ئه‌ڤ بابه‌ته ب تنێ ب وه‌زاره‌تا په‌روه‌ردێ ڤه گرێدایى نینه، دڤێت ل سه‌ر بنه‌مایێ هه‌لسه‌نگاندنێ بیت و به‌رچاڤوه‌رگرتنا ره‌وشا دارایى، ئه‌و هه‌لسه‌نگاندنه ژى بتنێ ل لایێ وه‌زاره‌تا په‌روه‌ردێ بتنێ نینه.
Comments are closed, but trackbacks and pingbacks are open.