فەرماندەیا گشتی هێزێن سوریا دیمۆكرات (هەسەدە) ئەنجامێ دویماهیێ یێ شەڕێ كۆنترۆلكرنا گرتیخانەیا غوێران ل باژێرێ حەسەكە راگەهاند و دبێژیت: د شەڕێ حەفت رۆژیێ كۆنترۆلكرنا وێ گرتیخانەیێ دا 121 شەڕڤان و كارمەندێن هێزێن ناڤخۆ شەهید بووینە و 374 تیرۆرستێن داعش ژی هاتینە كوشتن.
فەرماندەیا گشتی یا هەسەدە د راگەهاندنەكا خۆ دا دبێژیت: ل رۆژا 20 ی كانوونا دووێ یا ئەڤ سالە، تیرۆرستێن دا داعش ب پلانەكا بەری هنگی داڕێتی، ب رێیا هژمارەكا خۆكوژان هێرش كرنە سەر گرتیخانەیا غوێران ل باژێڕێ حەسەكە، هەڤدەم ب هزاران تیرۆرستێن ل ناڤ گرتیخانەیێ دەست ب هێرشكرنێ ل سەر كارمەندێن وێ گرتیخانەیێ كرن.
د وێ راگەهاندنێ دا هاتییە: پشتی حەفت رۆژێن شەڕ و روی ب رویبوونێن هێزێن هەسەدە و ئاسایشا ناڤخۆ دگەل تیرۆرستێن داعش و شانەیێن نڤستی و تیرۆرستێن ل ناڤ گرتیخانەیێ، شەڕڤان شیان پیلانا رزگاركرنا ب هزاران تیرۆرستان ژ ناڤ ببەن.
هەر د وێ راگەهاندنێ دا هاتییە: د وان روی ب رویبوونان دا 121 كارمەند و شەڕەڤان شەهید بووینە كو 77 ژێ كارمەندێن گرتیخانەیێ و 40 ژی شەڕڤان و 4 ژی وەلاتی بووینە، هەروەسا 474 تیرۆرست ژی هاتینە كوشتن.
Comments are closed, but trackbacks and pingbacks are open.