..وژدانا مری (مات الضمیر)….

محەمـــەد گــڤاری

دبێژن والیێ باژێرەکی ژنشکاڤە دەرکەفتە ناڤ بازاری ، دیت هندەک زاروک یێ یاریا دکەن ، والی گوتە زارویەکی وەرە دەف من ، زاروکی گوتێ تو دگەل منی یان دگەل( وژدانا مری)؟ والی گوهوشی گوتە زاروکی تو چ دبێژی؟ زاروکی لێ ڤەگێرا گوت ئەو زاروکێ هە ناڤێ وی وژدانا مرییە والی گوتێ بێژێ بلا ئەو زاروک بهێتە دەف من، دەمێ ئەو زاروک هاتی گوتێ ناڤێ تە چییە؟
زاروکی گوتە والی ناڤێ من ( مات الضمیر ) وژدانا مری والی گوتێ کێ ئەڤ ناڤە دانایە سەرتە ؟ گوت دەیکامن ، والی گوتێ مالاوە ل کیڤەیە ؟ زاروکی گوت ئەوا هەیە یانێزیکە ، والی گوتە زاروکی هەر دویف دەیکاخۆ بلا بهێتە دەف من ، وی زاروکی چۆ گوتە دەیکاخۆ وەرە زەلامەک یێ داخوازاتە دکەت ، دەیکا زاروکی هاتە دەف والی بێ کو بنیاسیت ئەڤە والیێ باژێری یە ، والی گوتێ وێ ژنێ ناڤێ کوڕێ تە چییە؟ وێ ژنێ گوت (مات الضمیر) والی گوتێ کێ ئەڤ ناڤە دانایە سەر کوڕێ تە؟ دەیکا کوڕکی گوت بابێ وی .
والی بۆچی ئەڤ ناڤە دانایە سەر ؟
دەیکا کوڕکی گوت بابێ وی رۆژەکێ دگەل جیرانێن مە دگەل وان دەرکەفت بۆ کارەکێ بازرگانی وی دەمی کورێ من دزکێ من دابوو ، گوتە من ئەگەر ئەز نەڤەگەریام ناڤێ کوڕێ من بکە (مات الضمیر) ئەگەر ئەز ڤەگەریام ئەز دێ ناڤێ وی دانم ، بەلێ بابێ وی نەڤەگەریا ژبەر هندێ من وەسیەتا بابێ وی بجهئینا .
هەر ئێکسەر والی ڤەرگەریا جهێ خۆ گوتە کاربەدەستێن خۆ هەرن زەلامێن فلان تاخی بگرن ، پشتی کو هەمی هاتینە گرتن و ڤەکولین دگەل وان هاتییە کرن دئەنجامدا دەرکەفت بابێ مات الضمیر ئانکو وژدانا مری بدەستێن جیرانێن خۆ یێ هاتییە کوشتن و پارێت وی ژی یێت برین ، ژبەر هندێ ئەو کەسێن هاتینە گرتن گەهشتنە سزایێن خۆ ، پاشان والی داخواز ژوێ دایکێ کر ل کوچکا والی ئامادەبیت ، والی گوتێ ئەو کەسێن هەڤژینێ تە کوشتی گەهشتنە سزایێن خۆ ڤێجا نوکە ناڤێ زاروکێ خۆ بکە (عاش الضمیر ) ئانکو بژیت وژدان …
ئەرێ هەر ل دەسپێکا ئاڤاکرنا دەولەتا عیراقێ و دەستهەلاتدارێن وێ هەتا ئەڤرۆ دگەل مە کوردان ناڤێ وان ژی بوویە (مات الضمیر )؟ ئەرێ دێ کەنگی عیراقا عەرەبی بیتە (عاش الضمیر ) بێگومان ئەڤ چەنداهە چ جاران چێنابیت چونکی عەرەب بێ (؟؟؟؟؟؟) والسلام.

• دکاری هەموو بابەتێن خۆ بینی…