سه‌رۆكێ فه‌ره‌نسا ئه‌ڤرۆ ب سه‌ره‌دانه‌كێ گه‌هشته مۆسكۆ وه‌ك هه‌ولدان بۆ چاره‌سه‌ركرنا قه‌یرانا وى وه‌لاتى دگه‌ل ئۆكرانیا.
ئیمانوێل ماكرۆن، سه‌رۆكێ فه‌ره‌نسا چه‌ند ده‌مژمێران به‌رى نوكه ب سه‌ره‌دانه‌كێ گه‌هشته مۆسكۆیا پایته‌ختێ رووسیا بۆ ئه‌نجامدانا گوتوبێژان دگه‌ل ڤلادیمێر پۆتین، سه‌رۆكێ رووسیا وه‌كۆ هه‌ولدان بۆ نه‌هێلانا وێ قه‌یرانا دناڤبه‌را وه‌لاتێ رووسیا و ئۆكرانیا دا هه‌ى.
پشتى كۆمبوونێ سه‌رۆكێ رووسیا د پرێس كۆنفرانسه‌كى دا راگه‌هاند، وان ل دور ئێمناهییا ئه‌ورۆپا هه‌ڤخه‌مییێن هه‌ڤپشك هه‌نه و رووسیا تۆمه‌تا لڤینێن سه‌ربازى و هه‌ر پلانه‌كا شه‌رى به‌رامبه‌ر ئۆكرانیا ره‌تدكه‌ت.
گۆت ژى: چاڤپێكه‌فتن و گوتوبێژكرن دگه‌ل ماكرونى یا ب مفا و ئیجابى بوو.
ل ڤان داوییان وه‌لاتێن رۆژئاڤاى رووسیا ب كۆمكرنا هێزێن سه‌ربازى ل نێزیك سنورێ ئۆكرانیا تۆمه‌تبار دكه‌ت و واشنتن گه‌فێن سه‌پاندنا سزایان ب سه‌ر رووسیا دا دكه‌ت ئه‌گه‌ر هێرشێ بكه‌ته سه‌ر ئۆكرانیا.
Comments are closed, but trackbacks and pingbacks are open.