وەرگێران : محــەمەد گــڤاری.
ل ســـالا(1949)ێ دەمێ بەهیج تەقیەدین بوویە وەزیرێ چاندنێ ل وەلاتێ لوبنان ، برایێ وی نامەیەک بــۆ هنـارت ، دبێژیت برایـــێ منـــێ هێــژا ئەز دزانــم تـــو بــوویە وەزیـــر ، ئەڤە جهـــێ شانازی و سەربلندیــیا بنەمالامە و دەڤەرێـــیە ، هیڤیا سەرکەفتـــنێ بۆ وە دخازم ، بەلێ من ڤیا ل بیراتە بینم دەمێ ئەم زارۆک مە بەریکانێ دکر کو کیـــژان ژمــە ئەڤ شـــەڤە دێ ل نک بابووی نڤیت ، بابێ مەژی داکوکی دکر و سەح دکرە دەستێت مە دابزانـــیت کێ دەستـــێن خۆ نە شوشتینـــە بەری بنڤیت ، ڕۆژانە ئەم پەروەردەکرین دا ل پاشە رۆژێ فێری پاقژی و پاکیا دەستان بیـــن .
برایـــێ خوشتڤــی ئەرێ ئامۆژگاریێــن بابووی ل بیراتــە ماینـــە ، هیڤیدارم ل بەرامبەر خەلکێ خــۆ یـــێ دەســـت پاک بــی و خیانەتێ ل گەل و .. وەلاتێ خۆ نەکەی ، دگەل رێزو ســـلاڤان . ل ڤێرە جهــــێ پرسیارێـــیە، ئەرێ دەستهەلاتداران جارەکێ ئەڤ هزرە کریە دەســت پاک بن ؟ ئەرێ رۆژەکــێ باب و برایێــت بەرپرسا یان هەڤژینێــت وان گوتیـــێ وژدانا خـــۆ تەنابکەن ، بلا دەستێن وە بەرامبەر سەروەت و سامانـــێ وەلاتی هەردەم پاک و پاقژ بن ، هشیار بن دەستێ خۆ بۆ کارێن دزیێ و گەندەلیــێ نەبن ، ئەرێ رۆژەکێ بەرپرسەکـــی هزرا ڤێ چەنـــدێ کریـیە دەستێت خۆ بۆ کارێـت دزیێ نەبەت ؟ ئەرێ بیرا بەرپرسان ل دادگەها خۆدایێ مـەزن دئێت ل دونیایێ و ل رۆژا ڕابوونێ (القیامە) بۆ هندێ سەنگاخۆ دگەل بنەمالا خۆ ل هەمبــەر چاڤێت خەلـــکی ب پارێزیـــت ؟؟؟؟ ئەڤە هندەک پرسیارێت هزرینـــە بۆ مرۆڤێت خۆدان دەستهەلاتدار .
- دکاری هەموو بابەتین خۆ ببینی …..لێرە
Comments are closed, but trackbacks and pingbacks are open.