بەرهەم سالح ئەڤرۆ دەربارەی بریارا دادگەها فیدرالا ئیراقێ ل دۆر یاسایا نەفت و غازا هەرێمێ د بەیانەکێ دا راگەهاند؛ پێدڤیە پێدڤیە دانوستاندنێن رژد و بلەز د ناڤبەرا هەرێما کوردستان و ئیراقێ دا بهێنە کرن ژ بۆ دیتنا میکانزمەکا گونجایی دەربارەی بریارا دادگەها فیدرال داکو داهات بۆ خزمەتکرنا وەلاتیان و دویر ژ گەندەلیێ بهێتە بکارئینان.
هەروەسا داخواز ژ پەڕلەمانێ ئیراقێ کر کو بلەز کار ل سەر پرۆژەقانوونا نەفت و غازێ یا پاشئێخستی بکەن یان پرۆژەیەکێ نوی پێشکێش بکەن و بێی دودلی پەسەند بکەن.
سەرۆککۆمارێ ئیراقێ راگەهاند ژی؛ نەدەربازکرنا یاسایا نەفت و غازێ ژ ئالیێ هێزێن سیاسی ڤە بوویە ئەگرێ پەیدابوونا کێشەیان و دوپات کر کو پێدڤیە جڤاتا فیدرالی بهێتە پێکئینان ل گۆرەی مادەیا 65 یا دەستووری.
بەرهەم سالح داخواز ژی کر کو دەستەیەکا گشتی ژی بهێتە پێکئینان بۆ گرەنتیکرنا مافێن هەرێم و پارێزگەهان ل گۆرەی ماددەیێ 105 یێ دەستوورت و پشتەڤانیا وێ دەستەیێ بهێتە کرن کو دیڤچوونا بەلاڤکرنا داهاتێن حکومەتێ بکەت.
سەرۆککۆمارێ ئیراقێ د بەیانێ دا داخوازا گۆهوڕینا وان ماددەیێن دەستووری کر یێن کو دشیان دا نەبن بهێنە بجهئینان.
Comments are closed, but trackbacks and pingbacks are open.