غیاس خالد زێبارى
ئه‌ز وى مافى ناده‌مه خۆ شرۆڤه‌یێن یاسایى و ده‌ستوورى بكه‌م چونكى نه ماف و ئه‌ركێ منه، نه‌ژى من شاره‌زایى تێدا هه‌یه ، لێ وه‌كى وه‌لاتیه‌كێ كورد وه تێدگه‌هم كۆ هه‌ردوو بریارێن ڤێ دووماهیێ یێن دادگه‌ها فیدرالى یا ئیراقێ ، ره‌دكرنا كاندیدكرنا هشیار زێبارى بۆ سه‌رۆكێ كۆمارا ئیراقێ و نه‌یاسایى بوونا یاسا نه‌فت و غازا كوردستانێ جهێ پسیارێ نه ، ده‌مێ ده‌ركرنا ڤان بریارا دیار دكه‌ن كۆ ئه‌ڤ بریارێن دادگه‌ها فیدرالى بریارێن سیاسى و پلان بۆ دارشتینه ، چونكى لده‌مه‌كی نه كۆ پارتى دیموكراتى كوردستان وه‌كى مه‌زنترین و كاریگه‌رترین پارتیا ده‌ستهه‌لاتدارا كوردستانێ ب شێوازه‌ك و هه‌ڤپه‌یمانیه‌كا نوو لبه‌ره بچیته به‌غدا ، چۆنا پارتى بۆ به‌غدا بڤى ره‌نگى دگه‌ل هه‌ڤپه‌یمانێن خۆ دێ بیته ئه‌گه‌رێ گۆڕینا سرۆشتێ رێڤه‌به‌رنا ده‌ستهه‌لاتا ئیراقێ ل بێ ده‌ستوورى و نه‌یاسایى یێ بۆ ده‌ستهه‌لاته‌كا ساخله‌م و پاراستنا سه‌روه‌ریا ئیراقێ و بهێزبوونا وێ لسه‌ر ئاستێ نیڤده‌ولتى و هه‌رێمایه‌تى ، ئیراقه‌كا بڤى ره‌نگى ژى دێ زیانێ گه‌هینته به‌رژه‌وه‌ندێن وان لایه‌نێن هه‌تا نهۆ بۆ به‌رژه‌وه‌ندێن خۆ ئیراقه رێڤه‌دبر و وى وه‌لاتێ سپۆنسه‌ریا وان دكر ، ئه‌و لایه‌نێن هه‌تا نهۆ ئیراقێ ل پێشیا وه‌لاتێن گه‌نده‌ل و نه‌سه‌قامگیر و نه‌پێشكه‌فتى هێلاى .
ئه‌گه‌ر نه بۆچى دڤان كاودانان دا ئه‌ڤ بریاره هاتنه دان كۆ هشیار زێبارى ب بریارا دادگه‌هێن ئیراقێ بى تاوان ده‌ركه‌فتیه ، ئه‌رێ وى ده‌مى دادگه‌ها فیدرال ل كیڤه بوو …!
یان لده‌مێ ده‌ركرنا یاسایا نه‌فت و غازا كوردستانێ لسالا ( 2007 ) ئه‌ڤ دادگه‌هه بۆچى بێ ده‌نگ مابوو ..! ئه‌و یاسایا نێزیكى پازده سالایه كار پێ دهێته‌كرن و بوویه ئه‌گه‌رێ ڤه‌ژاندنا هه‌رێما ئابوورێ هه‌رێما كوردستانێ وه‌كى به‌شه‌كێ ئیراقێ .
ئه‌گه‌ر دادگه‌ها فیدرال لدیف ده‌ستوورى كار بكه‌ت ئه‌رێ بۆچى لسه‌ر ده‌رئینان و فرۆتن و بازرگانیكرنا نه‌فت و گازا ئیراقێ بێ یاسا بێ ده‌نگ مایه..! ئه‌رێ بۆچى لده‌مێ هێرشێن حه‌شدا شه‌عبى و له‌شكرێ ئیراقێ و میلیشیایێن هنده‌ك وه‌لاتێن هه‌رێمى بۆ سه‌ر هه‌رێما كوردستانێ كۆ دژى ده‌ستوور و یاسایا نه بێ ده‌نگ بوو یان ب ره‌نگه‌كێ ده‌ستوورى د دیتن ..!
ئه‌رێ بۆچى دادگه‌ها فیدرال ناپرسیت بۆچى ماددێ ( 140 ) سه‌د و چل یێ ده‌ستوورى هاتیه پێشلێلكرن و كینه سه‌رپێچیا ده‌ستوورى دكه‌ن ..!
ئه‌رێ ب دیتنا دادگه‌ها فیدرال به‌رده‌وامیدانا عره‌بكرنا ده‌ڤه‌رێن كوردستانى و داگیركرنا ملك و عه‌ردێ كوردستانێ گاڤه‌كا یاسایى و ده‌ستوورى یه …؟
ئه‌رێ بۆچى هه‌تا نهو جڤاتا فیدرالى ( الاتحادی) كۆ ستوونا سه‌ره‌كیا سیسته‌مێ فیدرالى یه ل ئیراقێ نه‌هاتیه پێكئینان ..؟
ئه‌ڤ بریار و سه‌ره‌ده‌ریێن دادگه‌ها فیدرال یا ئیراقێ دژى هه‌رێما كوردستانێ نیشانن كۆ هێزێن پشتا ڤان بریارا دگرن ، لده‌مێ بوورى نه‌شیایه ژلایێ سیاسى و دبلۆماسى و له‌شكرى مه‌رامێن خۆ بجهــ بینن كۆ مه‌ره‌ما وان یا سه‌ره‌كى لاوازكرن و ژناڤبرنا قه‌وارێ ده‌ستووریێ هه‌رێما بوو و د هه‌مى هه‌ولێن خۆ دا تۆشى شكه‌ستنێ بوونه ، ئه‌ڤرۆ ژى دڤێت بن په‌ردا یاسایێ دژایه‌تیا هه‌رێما كوردستانێ و پارتى دیموكراتى كوردستان بكه‌ن و رێگریێ ل پێشڤه‌چوونا هه‌رێما كوردستانێ بكه‌ن و ئاسته‌نگا لهه‌مبه‌ر سه‌رگرتنا پرۆژێ شێوازێ حكومه‌تا داهاتى یا ئیراقێ بگرن ژلایێ هه‌ڤپه‌یمانیا ته‌یارێ سه‌در و پارتى پێكهاته‌یا سنى كۆ حكومه‌تا زۆرینه‌یه و ده‌ئینانا ئیراقێ لبن ئه‌جندایێن وه‌لاتێن هه‌رێما و ده‌سپێكرنا پرۆژێن چاكسازى و ئاشته‌وایا جڤاكى ل ئیراقێ .
- دکاری هەموو بابەتێن خۆ لێرە ببینی ….
Comments are closed, but trackbacks and pingbacks are open.