حکوومەتا ترکیێ راگه‌هاند؛ وان ب فەرمی وەلاتێن كو دكه‌ڤن سه‌ر دەریایا رەش ئاگاهدار کرنە کو بریار دانە، هاتووچوونا کەشتیێن شەر یێن رووسیایێ ل تەنگاڤێن بۆسفۆر و ده‌ردنيل قەدەخە کرنە.
وەزیرێ دەرڤەیێ ترکیێ مه‌ولوود چاویشئۆگلو دیار کر کو ترکیە رێ نادەت چ كه‌شتیێن شه‌ر یێن وه‌لاتێن كو دكه‌ڤن سه‌ر ده‌ریایا ره‌ش د ته‌نگاڤێن بۆسفۆر و ده‌ردنيل را ده‌رباس ببن و گۆت: هه‌موو وه‌لات ژ ڤێ بریارا تركیێ هاتنه ئاگه‌هدار كرن.
چاویشئۆگلو گۆت: «ئەم تەکەزیێ ل سەر پابەندبوونا خوە ب پەیمانا مۆنترۆ دکه‌ین».
بەریا وی ژی، سەرۆکۆمارێ ترکیێ رەجەپ تاییپ ئاردۆگان گۆتبوو: «ل گۆر په‌یمانا مۆنترۆ كو ده‌ستهلات دایه وه‌لاتێ مه، ئه‌م رێ ناده‌ن د ده‌مێ قه‌یرانان دا ته‌نگاڤێن بۆسفۆر و ده‌ردنيل بهێن بكارئینان».
تاییپ ئەردۆگان پشتی جڤینا کابینەیێ یا کو ل کۆچکا سەرۆکۆمارییا ترکیێ هاتییه لدارخستن داخویانی دا و گۆت: “د ڤێ پێڤاژۆیێ دا ژ بۆ دابینکرنا ئاشتی و ئیستقرارێ، مە بێ ناڤبەر هەولێن خوە یێن دیپلۆماتیک یێن فرەئالی، دۆماندن».
ئەردۆگان هەروها ئەشکەرە کر: «هێرشێن رووسیا یێن ل دژی ئوکراینا نایێن قەبوول کرن، ئەم ته‌كۆشینا رێڤەبەرییا ئوکراینا و گەلێ وێ تەقدیر دکه‌ین».
هەروه‌ها گۆت: «ترکیێ هەتا ئیرۆ هەمی بەرپرسیاریێن خوە یێن و ل ده‌ستپێكێ یێن نه‌ته‌وه‌یێن یه‌كبوویی، ناتۆیێ و هه‌روه‌ها سازیێن كو تركیه ئه‌ندامه تێدا ب ته‌مامی جێبه‌جێ كرینه.
Comments are closed, but trackbacks and pingbacks are open.