وەزیرێ دەرڤه یێ ئەمریکا ده‌ربارەی ناڤه‌رۆكا پەیوەندییەکا تەلەفۆنی ل گەل مەسرور بارزانی، سەرۆکوەزیرێن هەرێما کوردستانێ گۆت: مه به‌حسێ ئێكرێزییا كوردان كر “.
پەیوەندییا تەلەفۆنی یا دناڤبه‌را ئەنتۆنی بلینکن، وەزیرێ ده‌رڤه یێ ئەمریکا و مەسرور بارزانی، سەرۆک وەزیرێن هەرێما کوردستانێ ب هه‌‌لكه‌فتا هێرشا مووشەکییا سەر هەولێرێ بوو” بلینکن دبێژیت، ” من پشته‌ڤانییا خوه دەربڕی بۆ مەسرور بارزانی، سەرۆک وەزیرێن هەرێما کوردستانێ و من ئیدانا هێرشا ئیرانێ کر بۆ سەر هەولێرێ كو ئه‌ڤه پێشێلییا سەروەرییا عێراقێ یە”.
هه‌روه‌سا د تویته‌كێ دا ئاماژە ب هندێ دایه، ” مه ل گەل مەسرور بارزانی به‌حسێ ئێکرێزی و ئێکگرتنا کوردان كر.
ده‌ربارەی پەیوەندییا تەلەفۆنی كو پێشتر مەسرور بارزانی راگەهاندبوو، “هه‌ڤرابووین كو ئەڤ هێرشه تیرۆریستییە، پێشێلکاریيەکا به‌رچاڤه بۆ سه‌ر سەروەرییا عێراقێ”.
مه‌سرور بارزانی گۆت ژی، ل گەل وەزیرێ دەرڤه یێ ئەمریکا ” دووپاتی ل سه‌ر پێدڤییا به‌رهنگاربوونا وان دەنگۆ و بانگەشێن نه‌راست كرییه کو ل ڤان سالێن داوییێ دهێنه به‌لاڤكرن و دكه‌نه به‌هانه بۆ هێرشکرنێ ل سەر هەولێرێ”.
Comments are closed, but trackbacks and pingbacks are open.