زێ بادینان، جبرائیل میکائیل،
ئه‌ڤرۆ رۆژا پێنچ شەمبیێ ل كوچكا قایممقامیێ رێزدار (وارشین سلمان محمد طاهر) قایممقامێ قەزا ئامێدیێ پێشوازیا رێزداران (ئیرك شوڤالیێ ) بالیوزێ کومارا فره‌نسا ل عیراقا فیدرال و (ئۆلیڤیێ دیکۆتنى) کونسوڵێ گشتى یێ کۆمارا فەرەنسا ل هەرێما کوردستانێ و شاندەکێ دگەل دا کر.
د دیدارەکێ دا قایممقامێ قەزا ئامێدیێ ژبلی بخێر هاتنا بالیوزێ فەرەنسا ل عیراقێ و شاندێ دگەل دا سوپاسیا گرنگی دانا وان بو دەڤەرێ و پشتەڤانیا بەردەواما وەلاتێ فەرەنسا بو هەرێما کوردستانێ کر و هەروەسا به‌حسێ رەوشا دەڤەرێ ب گشتی و جهێن شینواری یێن سنورێ قەزا ئامێدیێ کر، پاشی قایممقامێ قەزا ئامێدیێ و بالیوزێ کومارا فەرەنسا ل عیراقێ و شاندێ دگەل دا سەرەدانا جهێن شینواری یێن (دەرگەهێ بەهدینان یێ شینواری و مزگەفتا مەزن یا ئامێدیێ و کەنیسا مەسیحیان و قوتابخانا قوبەهان) و چەند جهێن دی یێن شینواری ل ئامێدیێ کر و هەروەسا سەرەدانا ئاشێ تەحینا پرا عیسا ل ئامێدیێ کر و ب دیتنا جهێن شینواری و دێمەنێن سروشتێ جوانێ دەڤەرێ دلخوش بوون.
Comments are closed, but trackbacks and pingbacks are open.