بەرپرسەکێ خانەنشینا ھەرێما کوردستانێ ئاشکراکر، ھەر کەسەکی دەمێ خانەنشینکرنێ پلێن زێدە بۆھاتبنە ھژمارتن دێ ھێتە ھەلوەشاندن و دبێژیت، کەسێن ١٥ سال خزمەت نەبن بۆ خانەنشینکرنێ دڤێت سالێن خزمەتێ بکڕیت.
سەباح موخلس، رێڤەبەرێ ئامارا خانەنشینا ھەرێما کوردستانێ بۆ ئاژانسا خانی دیارکر” ئەڤرۆ بڕیارەکا نوو گەھشتیە خانەنشینا ھەرێما کوردستانێ و گورەی ئەڤێ بڕیارێ ھەر پلەدارەکێ ھاتبیتە خانەنشینکرن و ئەو پلەیا لسەر ھاتیە خانەنشینکرن پلەیەک زێدە بۆ ھاتبیتە ھژمارتن دێ ھێتە ھەلوەشاندن و دێ ڤەگەڕیت سەر ئەو پلا بەرێ ھاتیە خانەنشینکرن، پشتی راستڤەکرنێ دێ مووچەیێ ھەر خانەنشینەکی گورەی پلەیا نوو بۆ ھێتە مەزاختن.
سەباح موخلس ئاماژەکر” راستڤەکرنا بادەکێن خانەنشینێن ھەرێما کوردستانێ یا بەردەوامە و ھەر فەرمانبەرەکێ بەری نوکە ھاتبیتە خانەنشینکرن و خزمەتا ١٥ سالان نەبیت ئەڤە گورەی فەرمانا حوکمەتا ھەرێما کوردستانێ، پێدڤیە ئەو خانەنشین سالێن خزمەتێ بکڕیت ل حوکمەتێ ھەتا ژلایێ قانوونی بۆ بھێتە تەمام کرن.
Comments are closed, but trackbacks and pingbacks are open.