هاریكارا وه‌زیرێ به‌رگرییا ئه‌مریكا بۆ رۆژهه‌لاتا ناڤه‌راست راگه‌هاند، هێزێن وه‌لاتێ وێ بۆ پشته‌ڤانیكرنا بزاڤێن هه‌ڤپشك بۆ ژناڤبرنا ئێكجارى یا داعشێ دێ ل عیراقێ و سووریا مینن.
دانا ستراول، هاریكارا وه‌زیرێ به‌رگرییا ئه‌مریكا بۆ كاروبارێن رۆژهه‌لاتا ناڤه‌راست راگه‌هاند، ده‌ستهه‌لات ب وه‌زاره‌تا به‌رگریا ئه‌مریكا هاتییه‌دان ل باكوورێ رۆژهه‌لاتا سووریا بۆ ژناڤبرنا داعشێ. ئارمانجا هه‌ڤپشكان ژى بۆ ژناڤبرن و نه‌هێلانا دوباره سه‌رهلدانا داعشێ یه ل ده‌ڤه‌رێ.
دیار ژى كرییه، ژناڤبرنا داعشێ ئارمانجا مه‌یه لێ دده‌مه‌كێ نێزیك دا ب ده‌ستڤه ناهێت، ژبه‌ر ڤێ یه‌كێ ئه‌و دێ د به‌رده‌وام بن ل سه‌ر دۆپاتیا سیاسه‌ت و دۆكیومێنتێن خۆه ستراتیجى داكۆ پابه‌ندبوونا خۆه بۆ مانا هێزێن خۆه ل عیراق و سووریا نیشان بده‌ن.
گۆت ژى: ئیران ئه‌گه‌رێ سه‌ره‌كى یێ نه ئارامییا ده‌ڤه‌رێ یه ل رۆژهه‌لاتا ناڤه‌راست و هێزێن ئه‌مریكا ل سووریا به‌رده‌وام ل بن گه‌فێن ئیرانێ نه.
Comments are closed, but trackbacks and pingbacks are open.