سەردار هێتوتی

پشتی کەفتا حکومەتا بەعسیان، دەستهەڵاتەک نوو ئاڤابوو، خۆدان بودجەیەکێ مەزن و جیهانەکا ڤەکری و دوستێن بهێز، لێ #عیراق ڕۆژ ب ڕۆژ بەرەڤ پاش پێنگاڤان دهاڤێژیت، ڤێ دەولەتێ چ شیان نەمانە ب تنێ ئەو نەبیت هەڤرکیا نافخۆ بهێز بێخن و ژێر خانا وەڵاتی وێرانتر لێبکەن.

د ئەڤرۆ دا عیراق روی ب روی قەیرانا بێ ئاڤیێ بوویە، یا بویە لەیستکا دەستێ #ئیران و #تورکیا و هەردەما ئەڤ دوو وەڵاتە بخازن دێ عیراقێ ب تمامی تێهنی کەن و هەمی یاساین نیڤ دەولەتی ژی بن پێ دکەن.

ئەڤ تۆزباین و بێ بارانی و کێمبوونا #ئاڤاژێرعەرد مەترسیە ل سەر سبە ڕۆژا ڤی وەڵاتی و دخازم هندەک داتایان بۆ هەوە بەرچاڤ کەم:.

بەنداڤا_دوکان ئێک ژ وان بەنداڤانە کو ئەڤ ساڵە ب دەست هشکەساڵیێ ب تنێ 41% ئاڤ دناڤ دا هەیە، چونکی ئیرانێ ل سێ جهێن جدا بەرێ ریبارێ زێ بچیک گوهریە و بەنداڤ لسەر ئاڤاکرینە.

بەنداڤا_دەربەندیخان ژی د نوکە دا بتنێ 50% ئاڤ د ناڤ دا هەیە و ژ بەر هشکە سالیێ مەترسی لسەر هەیە.

ڕێڤەبەرێ گشتیێ ئاڤا هەرێمێ ژی دەتە دیارکرن کو 60% بیرێن ئاڤێ ل هەولێرێ هشک بوونە.

بەنداڤا_بێخمە ئێک ژ مەزنترین بەنداڤانە لسەر ئاستێ عیراقێ ئەگەر هاتبا چێکرن و ڕێک لهەمبەر ئاڤاکرنا وێ نەهاتبا گرتن، ئەڤێ بەنداڤێ ل ساڵا 1979 کار تێدا هاتیەکرن و دا بلنداهیا وێ 230 مەتر بن و دشیان دا بوو کو:

1500 میگاوایتێن کارەبێ بدەت.

ڕێک ل هەمبەرێ لەهیان بگریت.

دشیا 17 ملیار مەترێن سێجا ئاڤێ کۆمڤەکەت.

و د نوکە دا 35% کارێن ئاڤاکرنا وێ بدوماهی هاتینە و دڤێت بلەز عیراق دەست ب ئاڤاکرنا وێ بکەت و ب تنێ چاڤەرێ وان 90 بەنداڤا نەبیت یێن کو دڤیت هەتا ساڵا 2035 تمام ببن.

هەروەسا لدوور هشکەساڵیا عیراقێ، ئیرانێ ژی ترسا خۆ دایە دیارکرن و ڕاگەهاندیە کو ئاڤاکرنا 14 بەنداڤان ل سەر ریبارێ فۆرات و 8 بەنداڤان ل سەر ریبارێ دیجلە ژ لایێ تورکیا ڤە چاندن ل عیراق و سوریێ نێزیکی خالا سفرێ کریە و بویە مەترسی ل سەر چێبوونا تۆزبارینێ و دێ ئەڤ تۆزبارینە بەرەڤ ئیرانێ ژی چیت.

• دکاری هەموو بابەتێن خۆ ببینی …