ئەڤرۆ رۆژا سێ شەمبی بانكا رافیدەین یا حكومەتا عیراقێ بڕیاردا قەرەكێ 25 ملیۆن دیناری بدەتە هەمی خانەنشینان و راگەهاند: ئەو قەر ب ئاوایێ دۆمدرێژ دێ ژێ هێتە وەرگرتن.
د راگەهاندنەكێ دا بانكا رافیدەین راگەهاند: بڕیار هاتییە دان ئەو كەسێن ناسنامەیا خانەنشینیێ ل بانكا رافیدەین هەنە، دشێن قەرەكێ 5 ملیۆن دیناری هەتا 25 ملیۆن دیناری وەرگرن و مەرجێ سەرەكی ژی ئەوە مووچەیێن وان ل بانكا رافیدەین بیت و ب رێیا وەرگرتنا مووچەی ب رێیا ماستەركارتێ بیت.
د وێ راگەهاندنێ دا هاتییە: پێشكێشكرنا داخوازیێ بۆ وەرگرتنا وی قەری دێ ب رێیا هەمی لقێن بانكا رافیدەین بیت ل پارێزگەهێن ناڤەڕاست و باشوورێ عیراقێ.
هەروەكی دهێتە زانین ژی، لقێن وێ بانكێ ل هەرێما كوردستانێ نینن، ب ڤێ چەندێ ژی خانەنشینێن هەرێمێ نەشێن وی قەری وەرگرن.
Comments are closed, but trackbacks and pingbacks are open.