زیانێن ئابووری یێن لەشکەرکێشیا تورکیا بۆ دەڤەرا ئامێدیێ

زێ بادینان ، ئابووری:

دەڤەرا ئامێدیێ ژ دەڤەرێن توخیبی یە، و هەڤسنورە دگەل تورکیا، ژ سەرجەمێ 360 گوندێن دەڤەرداریێ پتریا وان ل ژێر دەستهەڵاتا چەکدارێن پەکەکێ نە، پتریا گۆندێن ناحیێن دێرەلوک و شێلادزێ و چەمانکێ د چولن و خۆدانێن وان ئاوارەیێن دەڤەرێن دیتر یێن دهۆکێ بوونە.

ل ساڵا 1991 و هەتا نوکە، پەکەکە خۆدان پێگەهە ل زاپ و ئاڤاشین و بەرێ_گارەی و پتریا گۆندێن نهێلێ و ب هێجەتا ڤان چەکدارێن نەڕێپێدای، دەوڵەتا تورکیا ب ناڤلێنانا دەهان ناڤان ئۆپەراسیۆن دانە دەستپێکرن و ئەڤ هەوێن لەشکەرێ تورکان ساڵانە د بەردەوامن و د ڕۆژێن بووری دا ژی پتریا گۆندێن دێرەلوک و شێلادزێ کەڤتنە ژێر بێ رەحمیا توپبارانا تورکیا.

زیانێن ئابووری یێن لەشکەرکێشیێ بۆ دەڤەرێ:

1.خەلک ژ خێر و بەرەکەتا گوندێن خۆ د بێ بەهرن.

2.دەڤەرێن داگیرکری باشترین جهن بۆ خۆدانکرنا تەرش و تەوالی.

3.سەرمایا ناڤا عەردی مفا ژێ ناهێتە وەرگرتن.

4.توپباران دبیتە ئەگەرێ دووبارەبوونا کۆچبەریێ ل دێرەلوک و شێلادزێ بۆ سەنتەرێ دهۆک و ژ دەرڤەی وەڵاتی.

5.سەرمایەدار نەشیانە سەرمایا خۆ ل ڤان دەڤەران بدەنە کاری.

6.ڕێژا بێکاریێ د ناڤا گەنجان دا د زێدەبوونێ دایە.

7.حکومەت نەشێت مفا ژ ژێدەرێن ئاڤێ وەرگریت.

8.ب ڤێ داگیرکرنا دوماهیێ، بهایێ خانی و عەردی دێ زێدەتر داکەڤیت ل ڤان هەر دوو ناحیا.

9.ژینگەهـ ب تمامی دێ پیس بیت و باندورا نیگەتیف دێ ل سەر مرۆڤی بجهـ هێلیت.

سەردار هێتوتی