پەیکەرێن نەمروداغ ، سەمسوور…….

سەمسوور کو ناڤێ ویێ دی ئادیەمان ، باژێرەکێ کوردایە ل باکورێ کوردستانێ کو ل دیف سەرژمێریا سالا 2007 ژمارا ئاکنجیێت وێ 582000 کەس بوون، دمێژوویێ دێ گەلەک شارستانی لڤێرێ هەبوو هەر ژ بەری زایینی و رومانی و ئەمەوی و سەلجوقی و عوسمانی ، سەمسوور یا بەرنیاسە ب جهێن مێژووی تایبەت چیایێ نەمروود کو ل سەرانسەری جیهانێ خەلک گەشتێ بو ڤی چیایێ مێژووی دکەت ،چیایێ نەمرود، دکەڤیتە سنورێ پارێزگەها سەمسوورێ ل باکوورێ کوردستانێ کو بلنداهیا ڤی چیای 2134مەترە ،ل ڤی چیای چەندین پەیکەر ل سەڕ دروستکرینە کو مێژوویا وان ڤەدگەریت بو سەدەیا ئێکێ بەری زایینی، بلنداهیا وان پەیکەرا نێزیکی 8 تا 9 مەترانە، مێژوا وان بو سەڕدەمێ ئیمبراتوریەتا رومانی ڤەدگەریت ، دبێژێن نەمروود ل ڤی جهی گەنجینا خو ڤەشارتیە ،ل سەر گورستانەک هەیە کو هندەک ژ پەیکەرێن خوداوەندێن یونانی تێدایە وەک ئەنتیوگوس و ئەپولو و پەیکەرێ خوداوەند میرا کو تەمسیلا روژێ دکەت، هەروەسا پەیکەرێ هیراکلیس لێ هەیە، هەروەسا تابلویەک ل ناف ڤان پەیکەرا هەیە کو زمانێ یونانی سەر هاتیە نڤیسین.سالا 1987 رێکخراوا یونسکو وەک جهەکێ شینواری یێ جیهانی دایە دیارکرنسالانە دەهان هزارا گەشتیار سەرەدانا ڤی جهێ شینواری دکەن ، و جهەکێ شینواری یێ گرنگ دهێتە نیاسینل دەردوورا ڤی باژێری گرەکێ شینواری یێ مێژووی هەیە کو دبێژنێ گرێ کەلهێ کو گەلەک تشتێن شینواری تێدا هەنە ، هەروەسا هندەک پرێن کەڤن ل سەر ریبارێ ڤێ دەڤەرێ دهێنە دیتن وەک پرا جەندەرە کو مێژوویا دروستکرنا وێ بو 100 سالا بەری زایینی ڤەدگەریت

ئامادەکرن :

:kovan sh Rêkani