ڕۆژا زانکۆبوونا ئاکرێ هەلات

زێ بادینان، عادل ئۆرەمارى:

ئەڤرۆ سێ شەمبى ٢٦ێ نیسانا ٢٠٢٢ێ ب ئامادەبوونا پارێزگارێ دهۆکێ د. عەلى تەتەر و د. عبدالفتاح عبدالرزاق بریکارێ وەزارەتا خاندنا بلند و ڤەکۆلینێن زانستى و دەڤەردارێ باژێرێ ئاکرێ و دگەل چەندین ئەندام پەرلەمانێن کوردستانێ و چەند سەرۆکێن زانکۆیێن کوردستانێ گەنگەشە و دانوستاندن ل سەر پرۆپۆزەلێ زانکۆبوونا ئاکرێ ل هۆلا کۆنفرانسان یا پەیمانگەها تەکنیکى ئاکرێ کرن
کۆ لیژنەکا تایبەت ژلایێ وەزارەتا خاندنا بلند و ڤەکۆلینێن زانستى ژبۆ ڤێ پرۆسسێ هاتبوو ڕەوانەکرن کۆ ژ دەهـــ ئەندامان پێکدهاتن، د ئەنجامێ گەنگەشە و هەلسەنگاندنێ دا مزگینێن دلخۆشکەر هەنە ژبۆ زانکۆبوونا ئاکرێ، بریکارێ وەزارەتا خاندنا بلند و ڤەکۆلینێن زانستى گۆت: ” ئەم دگەل زانکۆبوونا ئاکرێنە و دێ ل وەزارەتێ هەمی بزاڤێن جێبەجێکرنا وێ دەین و نیزیکترین دەم دێ گەهینە ئەنجامێن دووماهیکێ و مزگینێن دلخۆشکەر هەنە” .
هەروەسا پارێزگارێ دهۆکێ ژى گۆت: ” ئاکرێ یا مستەحەقێ زانکۆبوونێ یە و باژێرەکێ خودی دیرۆکەکا کەفنارە و دەولەمەندە ژلایێ چاندن و گەشت و گۆزارێڤە ئەڤ ژی پالدەرێن گرنگن ژبۆ ڤێ یەکێ و گۆت: ژى ئەم وەک کارگێریا پارێزگەها دهۆکێ ژ هەمى لایەکێ ڤە ئامادەینە ژبۆ زانکۆبوونا ئاکرێ”.
دپرۆپۆزەلێ زانکۆبوونا ئاکرێ دا ناڤێ هاتییە پێشنیازکرن ( زانکۆیا ئاکرێ بۆ زانستێن جێبەجێکارى) یە، ئەڤ ژی ژبەر وێ چەندێ یە دا کۆ پتر گرنگى یێ بدەنە خاندنا کردارى و قوتابى سوومەندبن پشتى ژێ دەردچن و ببن خودى کارێن خۆ ئانکۆ کادرێن کارا بەرهەم بینن.
زانکۆیا ئاکرێ دێ بۆ دەڤەرێ هەمیێ بیت بیێ جوداهى د گەنگەشەکرنێ دا پارێزگارێ دهۆکێ گۆت:
” ڕاستە زانکۆ ل ئاکرێ دێ هێتە ڤەکرن بەس دێ بۆ دەڤەرێ هەمیێ بیت ژ هەمى قەزا و ناحی و گۆندێن دەردورێن وێ “.
ل دەمەکێ نیزیک دێ زانکۆبوونا ئاکرێ ئێک لابیت و فەرمانا زانکۆبینێ ل سەر دەرچیت.

ب وێنە