ئیدارا جۆ بایدنى په‌یڤدارا كۆچكا سپى گۆهورى و بۆ ئێكه‌م جار كه‌سه‌كا ره‌شپیست ئه‌و پۆسته وه‌رگرت.
دوهى رۆژا پێنج شه‌مبى جۆ بایدن، سه‌رۆكێ ئه‌مریكا كارین ژان پیێر ل جهێ جێن ساكى وه‌ك په‌یڤدارا نوى یا كۆچكا سپى دیاركر.
بایدن د راگه‌هاندنه‌كێ دا په‌سنا رۆلێ كارین ژان پیێر كر و ب كه‌سه‌كا خۆدان ئه‌زمون ب ناڤ كر و دیار كر، ئه‌و شه‌ره‌فمه‌نده ئه‌و پۆسته پێشكێشى وێ كرى.
جێن ساكى، په‌یڤدارا پێشتر یا كۆچكا سپى راگه‌هاند، ژان پیێر دێ بیته ئێكه‌م ژنا ره‌ش پیست كۆ وى پۆستى وه‌ربگریت.
دهێته پێشبینیكرن پشتى ب دوماهى هاتنا كارێ وێ ل كۆچكا سپى، جێن ساكى ل كه‌نالێ MSNBC یێ ئه‌مریكى وه‌كۆ بێژه‌ر ده‌ست بكاربیت.
ژان پیێر ته‌مه‌ن 44 ساله و پێشتر ل كه‌نالێن NBC و MSNBC وه‌ك شرۆڤه‌كارا سیاسى كاركرییه.
پێشتر ژنه‌كا ره‌ش پیست كۆ پۆسته‌كێ ب ڤى ره‌نگى وه‌رگرتبیت جودى سمێس بوو ل ده‌مێ سه‌رۆكاتییا جۆرج ده‌بلیۆ بۆشى ل سالا 1991ێ كۆ پۆستێ جێگرا په‌یڤدارێ كۆچكا سپى وه‌رگرتبوو،
Comments are closed, but trackbacks and pingbacks are open.