كه‌ڤاله‌كێ ستێرا ئه‌مریكى یا به‌رنیاس مارلین مۆنرۆ د مه‌زاده‌كێ دا ب 195 ملیۆن دۆلاران هاته فرۆتن.
ناڤێ كه‌ڤالى “شوت سيج بلو مارلين”ه، و ئێك ژوان كه‌ڤالایه یێن هونه‌رمه‌ندێ ئه‌مریكى ئه‌ندى وارهول ل ده‌مێ وه‌غه‌ركرنا وێ ل سالا 1962ێ كێشاى.
جهێ ئاماژێ یه، ئه‌ندى 5 كه‌ڤال بۆ مارلینێ چێكرینه و ئه‌ڤ كه‌ڤاله مولكێ سازیا توماس و دوریس بوو ل زوریخ، پارێن فرۆتنا وى كه‌ڤالى دێ بۆ كارێن خێرخوازى هێنه ته‌رخانكرن ژلایێ وێ سازییێ ڤه كۆ كار ژ بۆ خۆشكرنا ژیانا زارۆكان ل جیهانێ دكه‌ت.
ناڤێ وى كه‌ڤالى ژ روودانا ته‌قه‌كرنا ئافره‌ته‌كێ دهێت كۆ ب ده‌مانجێ ته‌قه ل 4 كه‌ڤالێن مارلینێ كربوو ل ستودیویا وارهولى، لێ چ گوله ب به‌ر ڤى كه‌ڤالى نه‌كه‌فتن.
ل 4ى ئابا سالا 1962ێ ته‌رمێ مارلین مۆنرۆیێ ل لۆس ئه‌نجلۆس د شوقا وێ ڤه هاته دیتن كۆ ژ ئه‌نجامێ بكارئینانا رێژه‌كا زێده یا مادێن بێهۆشكه‌ر گیانێ خۆه ژده‌ست دابوو.
هونه‌رمه‌ند ئه‌ندى وارهول ژى ل سالا 1987ێ وه‌غه‌ركرییه.
Comments are closed, but trackbacks and pingbacks are open.