کورتە دیرۆکەک لسەر باژێرێ سخکێ

زێ بادینان

سخکێ دکەڤیتە روژهەلاتێ ناڤەندا باژێرێ وانێ ب دویراتیا 3 کم ، سخکێ باژێرکەکێ گەلەکێ کەڤنە، سەدان سالایە هاتیە وێرانکرن، لێ پاشان ژلایێ هندەک وان کەسێن تەرش و تەوالی خودان دکەن ئاڤەداندکەن ، پشتی سالێن هەشتیا و دەرکەفتنا ئازادیخازێن کورد ، حکومەتێ گەلەک خەلکێ گوندێن سنورێ ئیرانێ و جهێن دیێن وانێ ڤەگوهاستنە ڤی گوندی و دئەنجام دا گوند مەزن بو و بو قەزا، قەزا سخکێ دبن چیایێ ئەرەکێ یە، ئاڤا سخکێ ژ 33 کانیا دهێت کو ل سەردەمێ ئوراروتو بو کولاینە، ئەف باژێرکە ژ 4 تاخێن مەزن پێک دهێت و نێزیکی 20 هوزا لێ ئاکنجینە،ئەف باژێرکە ب دوو تشتا ناف و دەنگە ئێک گندور کو دبێژن هندی گوندورێن وێ لاون بێهنا وان دگەهیتە وانێ ، یادووێ ژی دروستکرنا خارنەکێ ناف و دەنگن ب ناڤێ کەلەدوش کو ژ ماستی و گیایێ هەلزێ و گوشتی دروستدکەن ،
ل دەردورا سخکێ تایبەتی ل چیایێ رەش ژمارەکا شینوارێن کەڤن ژ پرا و کوچکا و پەرستگەه و کەلها دهێنە دیتن، ژ وانژی شینوارێن پەرستگەهەکا سەروەختێ ئورارتوو ل چیایێ ئەرەکێ ، هەروەسا پرەکا سەروەختێ مەروانیا ل نێزیک باژێرکی هەیە.
*رامانا پەیڤا سخکێ ژ سەخی هاتیە، دبێژن خەلکێ ڤی گوندی بەرێدا مێڤانپەروەربوون

ئامادەکرن :Kovan sh Rêkani