سەرۆک نێچیرڤان بارزانی دێ سەرەدانا پارێزگه‌ها دهۆكێ کەت

زێ بادینان – تایبەت

بریارە رۆژا پێنجشەمبیا بهێت، نێچیرڤان بارزانی سەرۆکێ هەرێما کوردستانێ سه‌ره‌دانا پارێزگه‌ها دهۆكێ بكه‌ت و پشكدارى خۆلا 27ێ یا دەرچوونا قوتابیێن کۆلیژا سەربازییا دوو یا زاخۆ ببیت.

ژێدەرەکێ تایبەت ژ کۆلیژا سەربازییا دو یا زاخۆ بۆ زێ بادینان گۆت: ل 26ى ڤێ هه‌یڤێ کو دبیته‌ رۆژا پێنجشەمبیا بهێت، ب ئامادەبوونا سەرۆکێ هەرێما کوردستانێ نێچیرڤان بارزانی، دێ ئاهەنگا دەرچوونێ یا گەرا 27ێ یا ئەساسی یا قوتابیێن کۆلیژا سەربازییا دو یا زاخۆ هێته‌ برێڤه‌برن.

ژێدەرێ زێ بادینان گۆت ژى: د ڤێ گەرێ دا 499 قوتابی دێ دەرچن و بنە هەلگرێن پلا میلازمێ دو، كو هه‌مى قوتابیێن پشكدار هەلگرێن باوەرنامه‌یێن ئامادەیی و زانکۆیێ نه‌ و ژ سەرانسەری هەرێما کوردستانێ بووینە.

ل گۆره‌ى زانیاریێن زێ بادینان ، ل گه‌ل ڤێ گەرا دەرچوونێ دێ بنه‌ نێزیکى 8 هزار کەسان كو تا نوكه‌ ژ کۆلیژا سەربازییا دو یا زاخۆ دەرچووینه‌ .

بلند بهجت