کوچ ، مێژووا ناساندنا دوزا مللەتێ کورد
پشتی سەرهەلدانا جەماوەری یا هەیڤا ئادارا 1991 هاتیە ئەنجامدان ل کوردستانێ کو زۆربەیا خاکێ باشوورێ کوردستانێ هاتیە رزگارکرن، رژێما بەعس ب ناچاری و ب هێزو تۆرەیی ژ کوردستانێ هاتە دەرکرن. ئەڤ دەڤەرا رزگارکری بۆ چەند رۆژان کەفتە بن دەسەڵاتا بەرەی کوردستانی. بەلێ زۆر پێ نەچوو و ل دەستپێکا هەیڤا نیسانێ جارەکا دی لەشکرێ رژێمێ ب چەکەکێ مەزن ڤەگەرا و ئەڤ دڤەرە داگیرکرنەڤە، جەماوەر و هێزێن پێشمەرگەی نەشیان خۆ ل بەر سینگێ وان بگرن و تووشی جۆرەکێ شکەستنێ هاتن. لێ وەکی چەوا سەرهەلدانا جەماوەری ب هەمی رەنگان دژی رژێمێ راوستیان، ئەڤ جارە هەلویستەکێ دی یێ نەرازیبوونێ گرتە بەر ئەیش هەمیان پێکڤە ئەڤ دەسەڵاتە رەتکر و ئەو بی کۆچا ملیۆنی ئەنجام دا. کۆچا ملیۆنی بۆ سنوورێ تورکیا و ئێرانێ و زۆر کارەساتێن مرۆڤی یێن مەزن ب خۆڤەگرتن کو ب هزاران کەس بینە قوربانی. ژ بەر هێرشێن رژێمێ ژلایەکی و ژلایەکێ دیکەڤە ژبەر کەش وهەوایێ دژوار و سار کە زووربەیا خەلکی ب کچە و مەزن ب پێیان دەهان کیلومەتر دبرین.
ئەڤە بەشەکە ژ وان کارەساتێن ب سەر مللەتێ کورد هاتین ، بەلێ زۆر پێ نەچوو ئەڤ کارەساتە بییە بەشەکێ گرنگ ژ مێژوویێ و ناساندنا دۆزا مللەتێ کورد و ل جیهانێ دەنگ ڤەدا و جادەیێن جیهانێ هەژاندن. ب نەچاری وەڵاتێن جیهانێ هاتن سەر هێلێ کە بڕیار دان سنورەک بۆ رژێما بەعس دانن. هەمی شورەش وسەرهەڵدانێن کوردا هاتی کرن هندی کوچا ملیونی دەنگ ڤەدان و کاریگەری نەبووە کە ئەویش بڕیارا ئەنجوومەنا ئاسایشێ یا دژە فرینێ هات دان کو دەسکەفتیەکێ گرنگ بی و هەتا ئەڤرۆ کار پێ دهێت کرن و شەڕێ داعش دا هەڤپەیمانان هاتن سەر هێلێ و راگەهاندن کە ئەڤ بریارە بیر نەکریە. ل ڤێرە من دڤێت یا گرنگ دیار بکەم ئەویش ئەوە ئەگەر جەماوەری ئەڤ کۆچە ئەنجام نەدابا چ دەنگڤەدانەک ل جیهانێ دروست نەدبوو، دەسکەفتی و داخازیێن خەلکی ل سەرهەڵدانێ دا بێ ئەنجام و بێ بەرهەم دبوون. ژبەر کو کۆچکرنا خەلکی قەبیل نەکرنا دەسەڵات حکومەتێ بوو. هەر ئەڤە بیە ئەگەر کو پشتی دەمەکێ ڤەگەرانا دەسەڵاتا رژێم بۆ دەڤەرێن باشورێ کوردستان جارەکا دی ئەو ب خۆ دامودەزگەهێن خۆ چوڵکرن و تووشی شکەستنەکا مەزن بیەڤە. چونکی زۆربەیا خەلکی رازی نەبوون ل بن دەسەڵاتا حکومەتا بەعس بژین.
هەڵبەت حوکم ل مرۆڤان دهێت کرن، ئەڤجا ئەگەر خەلک ل مالێن خۆ مابانەڤە وێ رامانێ دگەهینت کو خەلک ب هەر رەنگەکێ بیت بێ دەنگە و رازیە ڤێ دەسەڵاتا زاڵم. ب ڤێ رەنگی دا رژێم جارەکا دی وەکی بەرێ دەسەڵاتا خۆ ل باشوورێ کوردستانێ قایم کەتەڤە. چ دەسکەفتی و حکومەتێن کوردی ل باشوورێ کوردستان نەدبوون. کەواتە دشێین بێژین کوچکرنێ ئەڤرو درووست کر ، راستە رۆژەکا رەش وو پر ئێش و ئازار بوو، لێ پر دەسکەفتیە.
دیماهیکێ ژی دڤێت ئەڤە یا رۆن و ئاشکرا بیت و دەرس وەربگرین کە ئەوا چەکی نەهات کرن ب یەکدەنگی و یەک هەلویستیا هێزێن سیاسی و جەماوەری هات کرن ب تنێ ڤێ رێکێ دشێین بگەهین ماف و داخازیێن خۆ .
عدنان محمدتاهر زێباری ، ئاکرێ
سوپاس بو بڵاڤک
Comments are closed, but trackbacks and pingbacks are open.