(( یاد و یادگار ))

شەریف ئامێدی

سەردەمەکی
هونەر و هونەرمەندا، بیردوز و هزرمەندا ، نڤێسەر و هوشمەندا سەنگ و بوهایەك هەبو
ڕێزگرتن ژبو بەرهەمێن وان موچەکێ تایبەت هەبو ، هەمی سازیێن ڕوشەنبیری مانگانە پەخشین هەبو ، لداهێنەرا دبون خودان ، بزاڤێن خوڕت پێ دکرن ، بیرەوەری ساخ دکرن ، چەند پەرتوك ژی چاپ دکرن .

مخابن ئەڤرو هەمی چو و چ ننەما ئەف چینا باشا مروڤان کەتنە بەر دەرد و خەما ، نە بەرهەم و هزرو پێنوس بو بونە پشت و پەناگەهـ نە دەنگ و موزیك و ستران بونە بێنڤەدان و وێستگەهـ
سەد مخابن ئەڤرو هوسا خو ببینن سەیید و سەرما و پارە ڕێبەربن ، گوریکەر و قوربانی ژی ئەف چینەبن پالە و جوتیار و ڕێنجبەربن .

هونەرمەندەکێ مینا (( تەحسین تاهای ))بو ساخکرنا سالڤەگەرا وەغەرکرنا وی ئێدی بو کەسێ خەم نەبیت ئەف ڕۆژە بهەروەبچیت و کەسێ ئاگەهـ ژێ نەبیت .

بەریا دوو سالا من داخاز ژ بەرپرسەکی کر زور فەرە خەبات و هونەرێ هونەرمەندێ مەز تەحسین تاهای نەهێتە ژبیرکرن فەرە ئەف بیرەوەریە هەرسال بڕەنگەکێ شایستە و ژهەژی خەباتا وی بێتە ساخکرن .

بەلێ هزار هزار جارا مخابن بو بەرسڤا وی مروڤی ، گوت وێ شولێ ژبیرکەن ئەوا بو هاتیە کرن بەسە ما هەر دێ یادا تحسین ی هێتە ساخکرن ، من گوتێ ما کی ژوی هەژیتر هەیە یان کێ پتر خزمەتا گەل وەڵات و هونەرێ کوردی کریە ئەرێ ما ڕۆلی وی ناهێتە بەرامبەر سەرکردەکی یان پلەدارەکێ بپلەکێ چبیتە سەرێ ملەکێ . ئەرێ هوین و خودێ کی پتر وەفادارێ مللەتی بو تەحسین تاها یان سیاسەت مەدارەکێ گەندل و بندیوار و هەتکبەر .

هەر سترانەکا تەحسین تاهای گوللەیەکە بو سینگێ دوژمن و نەحەز و نەیار و گەندەلێت ڤی وەڵاتی .

بنڤە بتەناهی هونەرمەندێ مەزن سەرکێشێ سترانا کوردیا هەفچەرخ قوتابخانا دەنگبێژێن ڕەسەن ، مرید و شەیدایێن دەنگ و ئاواز و سترانێن تە چ جارا تە ژبیرناکەن دناخ و وژدانا واندا تو هەرێ ساخ و زێندی و نامری هزار هزار رەحمەت لگوڕا تە و هونەرمەند عبدالله زێڕین ی بن هونەرمەندێ مەزن تەحسین تاها .