شینوارێن کەڤنێن دەرەشار

دەرەشار ناڤەندا قەزایەکێ یە ل پارێزگەها ئیلام ل روژهەلاتێ کوردستانێ ، ئێک ژ جهێن دیروکی یێ گرنگە ،ل دیف ئامارا سالا 2006 ژمارا ئاکنجیێت وێ نێزیکی 20 هزار کەسا بوو ، رینشتڤانێن ڤی باژێرکی کوردێن شیعە مەزهەبن ب زاراڤێن لەکی و لوری دئاخڤن ،دەرەشار ئێک ژ باژێرێن کەڤنارە درێژاهیا مێژووی چەندین جارا هاتیە وێرانکرن ، تایبەت هێرشێن عەرەب و ئاشوریا بو سەر ڤی باژێرکی گەلەک جارا باژێر وێران بیە و دوو بارە ئاڤەدانکریەڤە ، ئەف باژێرکە ئێکەم باژێرک بوو کو ژبەر هێرشا ئاشور بانیبال هاتیە وێرانکرن ، هەتا سەروەختێ ئەخمینیا ئەف باژێرکە ب کاڤلی مایە، بەلێ ل سەر وەختێ ئەشکانیا جارەکادی نویژەنکرەڤە و سەروەختێ ساسانیا ب تەمامی ئاڤەدانکرەڤە
ئەف باژێرکە ل بنارێ کەوێرکێو ل ناڤەندا زاگروسە، جوگرافیناس و مێژوو ناس و شینوارناس دبێژنە ڤێ دەڤەرێ سەیمەرە کو روبەرێ وێ 1500کم دووجارە ئێکە ژ جهێن شینواری یێ گرنگ یێن کوردستانێ
مێژووا ڤێ نافچێ ڤەدگەریت بو بەری 10 هزار سالا
باژێرێکێ مێژووی سەیمەرە ئانکو (ماداکتو) کو نوکە باژێرکێ نوی دەردەشار ژلایێ روژهەلاتی ئاڤا کریە، دنوکەدا نیڤەکا وان جهێن شینواری وەک خو یێن ماین دباژێرکێ کەڤندا شارستانیەتا سەروەختێ ساسانیا ماینە وەک شینوارێن مەیدان و خیابان و دانوساتان
خانی و ئاڤاهیێن ڤی باژێرکی سەروەختێ ساسانیا ب بەرا و گێجێ دروستکرینە
ل ڤێ ناوچێ گەلەک جهێن شینواری هەنە مینا کەلها و ئەتەشکەدا و پرا ….
پرا گاومێشان ئێک ژ جهێن شینواری یێن گرنگە ل ڤێ ناوچێ کو درێژاهیا ڤێ پرێ 165م ل سەر ریبارێ سەیمەرە سەر وەختێ شاپورێ ساسانی هاتیە دروستکرن

ئامادەکرن :kovan sh Rêkani