فیدراسیۆنا رۆژنامه‌نڤیسێن جیهانی (IFJ )،31ـەمین كۆنگرێ خۆ ب پشكداریا154 وه‌لاتان و 320 رۆژنامه‌ڤانێن ئه‌ندام، ل مه‌سقه‌ت پایته‌ختێ سولتانشنا عومان كو ل 11گولانا2022 ده‌ست ب كارێن خوه‌كر و سه‌ندیكا رۆژنامه‌ڤانێن كوردستانێ پۆستێ ئه‌ندامه‌تیا مه‌كته‌با ته‌نفزیرى جه‌نده‌رى ل (IFJ ) فدراسیۆنى رۆژنامه‌نڤیسێن نیڤده‌وله‌تى وه‌رگرت.
رێژا 50% ژن ئه‌ندامێن به‌شدارێن كۆنفرانسى بوون، سه‌ندیكا رۆنامه‌نڤیسێن كورد دگه‌ل شانده‌كێ شه‌ش كه‌سى گازیكربوونه ڤى كۆنفرانسى.
د پروسا هه‌لبژارتنا سه‌رۆك و جێگرێ سه‌رۆك و مه‌كته‌با ته‌نفزى لیژنا جه‌نده‌رى (IFJ )، د.نه‌زاكه‌ت حسێن كو سه‌رۆكا لیژنا داكۆكى ل ئازادیا رۆنامه‌نڤیسان ل سه‌ندیكا رۆژنامه‌ڤانێن كوردستانێ یه، ب ده‌نگێ زوربه‌یا به‌شداربویان بوویه ئه‌نداما( مه‌كته‌با ته‌نفزى) یا جڤاتا ژنێن فیدراسیۆنا رۆژنامه‌نڤیسێن نیڤده‌وله‌تى(IFJ ) وه‌ك به‌رپرسا مه‌له‌فی جێنده‌رى رۆژهه‌لاتى ناڤه‌راست و وه‌لاتێن عه‌ره‌بى.
ئه‌ندامێن ده‌سته‌یا رێڤه‌به‌ریا گشتى یا ژنێن فدراسیون ژ 12 ئه‌ندامان پێكدهێت و هه‌ر ده‌ڤه‌ره‌كا جیهانێ 2 كورس بۆ دابینكرینه، ژ سه‌رجه‌مێ ركابه‌رێن دناڤبه‌را سه‌ندیكایین 150 وه‌لاتان دا، ده‌نگدان بۆ 12 ئه‌ندامێن ده‌سته‌یا رێڤه‌برنێ هاته‌كرن، كو سه‌ندیكا وه‌ك پلانه‌كا به‌رى كه‌نگره‌ى بۆ ركابه‌ریكرن لسه‌رڤى پوستى شیا پلانا خوه بجهبینیت و، سه‌ركه‌فتنێ بده‌ستخوڤه بینیت.
Comments are closed, but trackbacks and pingbacks are open.