من حەز لسەر کارێ هونەری و ئەدەبێ هەیە بەلێ نەبەهرەیە ئانکو بتنێ دوستم بۆ ڤان بێاڤێن هەنێ

هەڤدیتن /زەنون سلێڤانەی ـ زێ بادینان :

عایشا شەوکەت تەیب ژ دایك بوویا دهۆکێ یە ل دەڤەرا بامەرنێ باوەرناما دبلومێ بزمانێ کوردی هەیە و بکلوریوس ژی بزانستێن دارایێ و بانکێ وەرگرتیە دڤێ هەڤدیتنێ دا بڤی ئاوایێ بەرسڤێن پرسیارێن مەدایێ بو مالپەری و گوڤارا زێ بادینان.

زێ بادینان، عایشا خانێ دەسپێکێ خوە هاڤێتیە دناڤ بیاڤێ راگەهاندنێ مەرەم ژڤی کاری چیە ؟
عایشا خانێ داخۆیاکرن ، دەسپێکا کارێ من یێ روژنامەفانیێ ل سالا ١٩٩٧ یە ل گوڤارا گازی و ل سالا ۲۰۰۰ هاتمە ڤەگوهاستن بۆ دهوك تیڤی و هەتا نوکە بەردەوامە ،و
هەلبژارتنا من بۆ کارێ راگەهاندنێ ڤەدگەریت بۆ وێ چەندێ من ڤیایە بو جڤاکێ خوە دیاربکەم هندەك بوارێن دی یێن گرنگ و ژ هەژی هەنە ژن دشێت رولێ خوە تێدا ببینیت ، چونکی ل وی دەمی جڤاکی هند باوەری ب شێانێن ژنان نەبوون ،

زێ بادینان، ئایە تە چ جاران هرر ل هندێ نەکریە دبێاڤێن هونەری کاربکەی …..؟ عایشا دەربارێ کارێ هونەری دا دیارەکرن ، کۆ من حەز لسەر کارێ هونەری و ئەدەبێ هەیە بەلێ نەبەهرەیە . ئانکو بتنێ دوستم بو ڤان بێاڤێن هەنێ ،تەماشەڤان و خاندەڤانەکا باشم دڤان بیاڤان دا .

“پێدڤیە جهێن بەرپرسیار بەردەوام هاریکارو پشتەڤان ژبو پێشڤەبرنا بزاڤا رەوشەنبیری و هونەری هەبیت “

زێ بادینان ئاستێ بزاڤا رەوشەنبیری لدەڤەرێ چاوا دهەلسەنگینی ….؟ گورەی بزاڤ و رەشەنبیریا دەڤەرێ خانم عایشایێ بۆ زێ بادینان ئەشکرا کر ، کۆ ئاستێ بزاڤا رەوشەنیری وەکی هەمی بیاڤێن دی یێن ژیانێ وو لهەمی سەردەما پێشکه ڤتن و لاوازیێ بخوەڤە دبینیت ، ئەڤە گرێدایێ رەوش و کاودانێت ژیانا مروڤان تێدا دەربازدبیت ، بشێوەکی گشتی پشتی ئارام بوونا دەڤەرێ و لاوازبوونا پەتایا کورونایێ بزاڤا هونەری و رەوشەنبیری ژی هێدی هێدی یادەستپێدکەتەڤە بو چالاك بونەك پێڤە دیارە .

زێ بادینان، رولێ ئافرەتا کورد دبیاڤێن راگەهاندنێ دچ ئاستی دادبینی …….؟

عایشا دەربارێ ئافرەتا کورد د بیاڤێن راگەهاندنێ دا و کارێن دیتر ژی گوت، ئافرەتا کورد دهەم سەردەمان دا بو لگورەی کاودانا رولەکێ مەزن هەبوویە دشورەشان دا شورەش گێربونە و ماموستایان پەروەردەکرنا شورەشڤانا بوویە و پشتی سەرهلدانێ ژی رولێ خوە دئاڤاکرنا جڤاکی کوردی دا هەبوویە دهەمی بیاڤان دا ژوان ژی روژنامەڤانی و راگەهاندنێ کو ئافرەتا کورد شیایە بسەلمینیت کو سەرەرایێ نەبوونا تایبەتمەندیێ ل سالێت نوتاندا ئەو نەکێمترە ژ چ روژنامەڤانان و راگەاهاندکارەک دی ئەگەر چ نەبیت ل وەلاتێ دەوربەر.

زێ بادینان هەتا چ رادە تو حەرژکارێ خوە دکەی چ خزمەتێ پێشکێشی خەلکێ دەڤەرێ دکەی …..

دەربارێ کارێ خۆ و حەژیکرنا وێ ژی دا دیارەکرن ، کۆ هەمی دەما من حەز ژ کارێ خوە کریە و رژد بوویمە لسەر جێبەجێکرنا وی باشترین شێوە و هەمی دەما حەزا من بو خزمەتا وەلاتێ من ل پلە ئێك بوویە و هەر گاڤ من یاحەز ژ کاری و برێکا کارو خزمەتێن خوە رویەکێ جوان بدەمە وەاتێ خوە تایبەت باژێرێ دهوکێ .

زێ بادینان، تە لبەر وەختێ داهاتی دا خوە ژڤی کاری ئێکلابکەی ……

عایشا یێ دا ئەشکرا کرن ژی کۆ هەتا دژیانێ دا بم دێ بەردەوام بم لسەر خزمەتا ئەڤێ ئاخێ و ئەڤێ وەلاتی یێ بخویننا عەزیزێن مە ئازاد بووی …

زێ بادینان ،رەخنە و گلەو گازندێ قەبیل بو یێ بەرامبەری خوە رەخنێ لتە بگریت ،

زێدەتر گوتژی کۆ ، دبیت هندەک جاران رەخنە وگلەیێ ژلایێ کەس و کاران ڤە هەبیت بو نەپشکداریکرنا دهەمی بونەیان دا بەلێ لگورەی وەختی بزاڤێ دکەم ئەگەر چنە بیت دنەخوشیان دا نێزیك هەڤال وکەس و کاران بم ..

زێ بادینان ، پەیڤا رەوشەنبیر بچ رەنگی پیناسەدکەی ..؟

دەربارێ رەوشەنبیری و پێناساکرنا وێ عایشایێ دا دیارەکرن ، کۆ رەوشەنبیری دبیت گەلەك پیناسە هەبن وهەر جڤاکەك و هەر سەردەمەك بشێوەکی جیاواز پیناسا رەوشەنبیریێ بکەت ، بەلێ پیناسا هەرە نێزیك بو هزرێن من ئەوە رەوشەنبیر ئەو کەسەیە بێ بەرهەڤبیت ئەو زانین و زانییاریا لدەڤ وی هەی دناڤ جڤاکیدا بەلاڤبکەت بمەرەما هوشیارکرن و پێگەهاندنا تاکێ جڤاکی .

پەیاما داویێ ڤێ هەڤدیتنێ دا عائیشا خان بڤی ئاوایێ دبێژیت ،
پێدڤیە جهێن بەرپرسیار بەردەوام هاریکارو پشتەڤان ژبو پێشڤەبرنا بزاڤا رەوشەنبیری و هونەری لدەڤەرێ زور سوپاس بو نڤیسەرو روژنامەڤانێ هێژا زەنون سلێڤانەی سازکرنا ڤێ هەدیتنا ژ هەژی وجان سەرکەفتی بن ستافێ ماڵپەڕ و گوڤارا زی بادینان

ب وێنە