وەزیرێ پلاندانانا عیراقێ دەمێ ئەنجامدانا سەرژمێرییا گشتی راگەهاند و گۆت: سەرژمێری ل چارێكا دویماهیێ یا سالا بهێت دێ هێتە ئەنجامدان.
خالد بەتال وەزیرێ پلاندانانا عیراقێ راگەهاند: د كۆمبوونەكێ دا ل ناڤبەرا وەزارەتا پلاندانانا فیدرال و سەرۆكێ دەستەیا ئامارا هەرێما كوردستانێ و نوینەرێ پەڕلەمانی و نوینەرێ سندۆقا نەتەوێن ئێكگرتی و هژمارەكا وەزارەت و دەستە و دەزگەهێن دی یێن پەیوەندیدار بڕیار هاتییە دان سەرژمێرییا گشتی ل چارێكا دویماهییا سالا 2023 ێ بهێتە كرن.
وەزارەتا پلاندانانا عیراقێ راگەهاند ژی كو بڕیارا دەستنیشانكرنا دەمێ ئەنجامدانا سەرژمێریێ گرنگییەكا مەزن هەیە، ژ بەركو ل دۆرێن 50 سالایە چ سەرژمێریێن گشتی ل عیراقێ نەهاتینە كرن و ئەنجامێن سەرژمێریێ ژی دێ رۆلەكێ بەرچاڤ د چارەكرنا گەلەك كێشەیان دا هەبیت، نەخاسمە ژی د بابەتێ دابەشكرنا سامانێن وەلاتی دا ب سەر هەمی پارێزگەهان ب ئاوایەكێ دادپەروەرانە.
Comments are closed, but trackbacks and pingbacks are open.