خەلوسی ئاكار، وەزیرێ بەڕەڤانییا توركیا پێداگیری ل سەر ئەنجامدانا ئۆپراسیۆنەكا سەربازی ل باكوورێ سوریێ كر.
دپەیوەندیەكا تێلەفۆنیدا كو دگەل هەڤكیفێ خۆیێ ڕووسی سێرگی ئۆێكۆ ئەنجامدا، خەلوسی ئاكار وەزیرێ بەڕەڤانییا توركیا دووپاتكر كو وەڵاتێ وی هەبوونا هێزێن سوریا دیموكرات و یەكینەیێن پاراستنا گەل كو دوو هێزێن كوردی نە، ل باكوورێ ڕۆژهەلاتێ سوریێ قەبوول ناكەت، و ل دەمەكێ نێزیك سوپایێ توركیا دێ دەست ب ئۆپڕاسیۆنەكێ كەتن ل وێ دەڤەرێ‌.
ماوێ نێزیكی هەیڤەكێ یە دەولەتا توركیا ل سەر ئاستێ سەرۆكاتییا كۆمارێ‌ گەفێن ئەنجامدانا ئۆپڕاسیۆنەكا سەربازی ب درێژاهییا سنوورێن دناڤبەرا توركیا و سوریێ دا و ب كووراتییا (30) كیلۆمەتران دناڤ ئاخا سوریێدا دكەت، و پڕانییا وان دەڤەرێن ئۆپڕاسیۆن لێ دهێـتە ئەنجامدان دكەڤنە ژێر كۆنتڕۆڵا هێزێن سوریا دیموكرات و هێزێن كوردی.
ئەڤە ددەمەكیدایە كو هەر ئێك ژ ئەمریكا و ڕووسیا ب فەرمی نەڕازیبوونا خۆ ل هەمبەر وێ بڕیارا توركیا دەربڕییە و مۆسكۆ و واشنتون دووپات كرییە كو دێ بەرهنگارییا هەر ڤەلڤینەكا سەربازییا توركی دەن ل وێ دەڤەرێ‌.