وەزارەتا بازرگانییا هەرێما كوردستانێ ڕاگەهاند، ئێكەم قۆناغا دابەشكرنا پارێ گەنمێ جوتیاران بۆ ئەڤ ساڵە دەستپێكر و داخواز ژ جوتیاران كر ئەوێن گەنم ڕادەستی سایلۆیا هەولێر كری سەرەدانا سایلۆیێ بكەن بۆ وەرگرتنا چەكێ پارێ گەنمی.
نەوزاد شێخ كامل، ڕێڤەبەرێ گشتیێ بازرگانی دكۆنگرەكێ ڕۆژنامەڤانیدا ڕاگەهاند، ئەڤرۆ قۆناغا ئێكێ یا دابەشكرنا چەكێ پارێ گەنمێ جوتیاران ل پارێزگەها هەولێر دەستپێكر، و ل دەستپێكا حەفتییا داهاتی دێ ل پارێزگەها سلێمانیێ دەست پێكەت، و نەوزاد شێخ كامل خۆیاكر، بۆ ئێكەم قۆناغ كوژمێ دوو ملیار دیناران ژ پارێ جوتیارێن هەرێمێ ژلایێ حكومەتا عیراقێ ڤە هاتییە ڕەوانەكرن.
ل گورەی زانیاریێن وەزارەتا بازرگانییا عیراقێ ئاشكرا كرین، سەرجەمێ پارێ گەنمێ جوتیارێن هەرێما كوردستانێ بۆ ساڵا 2022 یێ، حەفت ملیار و 500 ملیۆن دینارن، پێنج ملیار دینار بۆ جوتیارێن پارێزگەها سلێمانیێ و دوو ملیار دینار بۆ جوتیارێن هەولێر و 500 ملیۆن دینار بۆ جوتیارێن پارێزگەها دهوك هاتینە تەرخانكرن.
Comments are closed, but trackbacks and pingbacks are open.