ل سالا 2014ێ ڕەوشەکا نوو یا سیاسی و ئابوری و ئێمناهی ل ئیراقێ چێبوو، تیرۆرستێن داعشێ وەکو گرووپەکێ ڕێکخستی و چەکدار گۆرزەکێ مەزن ل ئیراقێ دا کو ل 9ی خزێرانا 2014 چەکدارێن وێ فرۆکەخانە و وێستگەها تەلەڤزیۆنێ و بارەگایێن حکومییێن مووسلێ کۆنترۆلکر و پتر ژ 1000 زیندانی ژ زیندانێن مووسلێ بەردان .
داعش ب ئەڤێ ھێرشێ ب تنێ رازی نەبوو، بەلکو د ڕۆژا دووڤدا و ل ڕێکەڤتی 10ی خزێرانا سالا 2014ێ ب تەمامی باژێڕێ مووسلێ داگیر کر . ھەرچەندە سوپایێ ئیراقێ ژی کو پشتی نەمانا رژێما بەعس ب ملیۆنان دۆلار لێ ھاتبوون مەزاختن، لێ د دەمەکێ کورتدا ھژمارەکا کێم ژ چەکدارێن داعشێ شیان شەش فەیلەقێن ئەوی سوپایی بشکێنن کو ل گۆری شارەزایێن سەربازی، گەلەک سەیر بوو داعشێ ب چەند دەمژمێرەکان سوپایێ ئیراقێ شکاند و ھەموو چەک و کەل و پەلێن ئەوان یێن سەربازی کو ب سەدان ملیۆن دۆلار ھاتبوونە کڕین، کەڤتنە ژێر دەستێ وێ، ب ئەوان چەکان ژی ھێرشێن خوە بەرەف بەغدایێ بر و نیزیکی دەروازەیێن ئەوی باژێڕی بوو.
ئەڤێ شکەستنا سەربازی یا سوپایێ ئیراقێ ل سەر ئاستێ جیھانێ دەنگڤەدا، چونکی د چەند ڕۆژەکێن کێمدا داعشێ ڕووبەرەکێ مەزن یێ ئاخا ئیراقێ کۆنترۆلکر.
Comments are closed, but trackbacks and pingbacks are open.