وەزارەتا کارەبێ یا حکومەتا ھەرێما کوردستانێ راگەھاند، پشتی لژنەکا تایبەتمەند ب فەرمانا وەزاری بۆ تێستا خواستا باژێران بۆ کارەبێ ھاتییە دامەزراندن و ب رەنگەکێ کارا و زانستی و دادپەروەرانە کارێن خۆ ب سەرکەفتییانە بجھــ ئیناین، ئەنجامێن کاری د کۆمبوونەکا جڤاتا وەزارەتێدا راگەھاندن.
د راگەھاندنا وەزارەتا کارەبێ دا ئاماژە کریە، وەزارەتێ ھەمی تێبینی و سەرەنج بەرچاڤ وەرگرتینە د جوداھییا پلەیێن گەرمێ و ھەر حالەتەکێ دی یێ ھەبیتدا، دەرئەنجام ژی وەسا دیار بوو کو چ جوداهییێن مەزن دگەل خواستا پێشتر نەھاتییە دیتن.
ھەر وەسا دیارکریە، 50 مێگاواتێن دی یێن کارەبێ ل سەر پشکا سلێمانییێ بۆ وێ پارێزگەھێ ھاتینە دابینکرین تا وی دەمێ دگەل جڤاتا وەزیران بھێتە ئێکلا کرن.
وەزارەتا کارەبێ ئاشکرا کریە، بۆ پشکا کارەبێ ل گەرمیان ب بەرچاڤ وەرگرتنا پلەیێن بلند یێن گەرمێ ل دەڤەرێ، ژ رێژا 4,1% پشکا گەرمیان ژ تێستێ زێدەکریە بۆ رێژا 4,7%.
Comments are closed, but trackbacks and pingbacks are open.